Header Ads

同志面對將來的感情生活



唔知各位 Member 讀者,有沒有想過自己的將來會係點?唔係話做專業人士、做隱形富豪咁,又或者根本在等 2012 世界末日齊齊見外星人,而係講緊感情生活會係點。


直人(男)既將來,只有同女人拍拖結婚生仔,然後一身債,到工作老死,一條龍簡簡單單。咁喜歡男人的 Member 呢?複雜囉~

首先要將大家簡單分成四大類,你到底屬於邊一類?

一、Bi,雙性戀

男女都得的萬能插蘇,通常佢地都會跟個女人結婚生仔,完成人類和家族的使命之後,就會出去滾男人。阿守曾經跟一個已婚 Bi 的肌肉型男 Keep 住玩一年多,一個月玩兩三次,有幾次玩完之後佢都問阿守:「點解你唔鍾意女人?」

面對呢條超廢問題,阿守會反問返佢:「點解你鍾意同我玩?」佢諗左一陣先答:「唔知,但我係鍾意同你玩。」阿守咪同佢講:「我既答案都係一樣,我鍾意男人,係冇原因冇得解釋,最緊要係我依家鍾意你,仲好開心。」

雖然之後呢位肌肉型男移民離開香港,但阿守覺得佢呢類人好幸福,男又得,女又得,兩邊都可以開心做人。


二、Gay,已有老公


呢一類 Member 幸運地找到真命天子,是幸福中的幸福。

阿守身邊有幾對終成眷屬的朋友,有的在 Bar 飲酒時一見鍾情,有的在 Sauna 做愛見真「槍」,有的甚至在泳池球場 Gym 房眉目傳情,近年就現代化一點,主攻 Fridea、Grindr、Jack'd 等網絡交友以交換相片方式識人。

簡而言之,全部都係真身對真身的公平情況下才修成正果,如果想利用 Chatroom、Phone Sex 呢D隱身的方式去識人,唔該慳返啖氣,因為絕少機會識到真心的人,更加唔好講話想搵老公。


三、Gay,卻跟女人結婚

Member 之中最抑壓最無助,明明唔鍾意女人,明明聞到陣女人除都想避開三尺,卻因種種情況要同個女人結婚,而且更要插西交功課,「必」D仔女出黎。


另外,日頭返工要堆起個笑臉陪老細,夜晚返屋企又要再堆起個笑臉陪老婆,都咪話唔陰公。

阿守身邊有好幾個 Member 朋友,雖然成三四十歲,上有高堂,下有妻兒,但係佢地一得閒就會偷走出來「滾」男人,幾乎每個星期都叫一次鴨,平均一個月參加一次 Group Party,仲要玩得比普通 Member 癲好多倍。

不過,阿守好幾次跟他們傾心事,佢地都喊晒口話好大壓力,佢地好想話畀全世界知道,佢地係鍾意男人,不過現實就一定要佢地低頭,郁都冇得郁。

阿守唔識咩大道理,亦都幫唔到佢,只能夠繼續踩多腳:「結左婚就有責任,去 Take Care 呢頭家,你可以當係前世欠左佢地,不過調轉頭諗,你年老有依靠,又有仔女送終, Member 邊有呢D福氣丫?」


四、Gay,尋愛中

其實這類人指的是那些一直在追尋心目中 Dream Man 的 Member,佢地一直騎牛搵馬,一直對現任 Boyfriend 都不滿,見到好目標就會跳船個D尤其是很多自持年輕,覺得自己仲有好多本錢、時間、能力、機會,可以識到更好的 Dream Man。

把口含住一條撚,對眼就四處望其他撚,有正野就換口味咁解。

之不過阿守見識過好多呢類 Member,由 18 歲出道,睇住佢地一直搵 Dream Man 搵到 38 歲,廿年來波友數百數場,真正拍拖次數卻寥寥無幾,而且每次未夠一個月就因為某D小事而嫌棄對方分手。

舉個例子,大家入去 Sauna,隨隨便便都可以數到入面有 N 條人柱,企定定粒幾鐘,點解咁好腳骨力?就係佢地既信念夠強,相信自己係咁等落去會搵到件 Dream Man,對身邊一D「近似 Dream Man」的人不屑一看,結果係點大家都會估到。

呢個世界上有幾多個 Dream Man?真係畀你遇到又點,人地又唔一定鍾意你喎!臨走前想再找個「近似 Dream Man」來慰藉自己,卻發現乜人都冇,到頭來得個吉,又係孤零零一個人。


一句到尾,呢D人唔知足,係最絕望!



屋企人真係會逼你相睇!

無論你係邊一類,當大家仲係十幾、二十歲時,應該都會經歷過被家人親戚圍捕迫問,打聽你那傳說中的女朋友的下落,如果未有既,就會好老土咁玩「相睇」。

唔係講笑,阿守就試過,好幾次星期日同屋企人出黎飲茶,突然會「巧遇」一D女仔,例如從來未見過的表妹表姐、搬走十幾年突然撞返的鄰家女孩,更 O 嘴既係,自稱係唔知邊個朋友的同事的契女咁,即係疏到連 Facebook 都有可能一世都遇唔到的女仔,然後有意無意地坐埋一齊飲茶,呢D「驚」歷真係好恐怖。

如果到三十歲仲煩,佢地會不停轟炸你幾時結婚、幾時會有孫抱,真係好煩!


出櫃要用拖字訣

如果要杜絕呢D煩惱,只有畀屋企人知道真相,不過單刀直入向佢地「出櫃」,又唔知會發生咩事。

阿守身邊有「成功人士」就用拖字訣,首先經常性帶男性朋友回家,食飯又好、打機又好、睇戲又好,等佢地習慣你身邊有個男人,重要係,唔好經常性換人,如果可以出席家庭聚會更加好。


久而久之,屋企人會由懷疑到接受,呢個過程係需要時間,長短視乎屋企人的傳統觀念有幾強,可以係一年、五年,最後搵一日大家心情又好又靚時,向佢地「表白」,完成任務的機會率就會高好多。

反正依家流行自由獨身,一個男人唔結婚唔係咩怪事,親戚之間的傳言都唔會太難聽。

總之,呢D野如果「硬碰硬」一定冇好結果,唔想頭家散,就要學識一個字,忍!


3 則留言

LOM 提到...


直男唔一定最後一身債,工作到老死,可以將自己既優點傳比下一代讓他繼續傳下去是生命的延續,另一種永生。
我是出櫃用拖字訣的成功例子,我幸運地一生被愛包圍,不懂說慌的我只好用這方法,當家人都習惯了你身邊的一個;用愛包容,主要也是希望我幸福。有天弟弟在行車途中問我,我也早預備了直認。現在就連我姊19歲的女兒也接受了。

Unknown 提到...

Fantastic!! I just want to say, you are really 幸福. 咁多親人無私地撐你, 真係無憾. 其實中間有冇D阻撓?

孤身走我路 提到...

一講到呢個話題, 我就覺得好痛苦. 以現在香港的情況黎講. 大部份的同志都應該會 "被選擇" 孤獨終老.

So Gay HK. 技術提供:Blogger.