Header Ads

交友APP有感(二)進擊的鴨仔


以前,未有互聯網個陣,香港地叫鴨要落街買本「雄風」、「指男」等等本地同志雜誌睇入面D廣告仔先有;有互聯網之後就上Gayhk Chatroom;前四五年前開始就搬去Gayhk既首頁廣告;到呢兩年,只要係油尖旺、銅記、灣仔打開交友APP就已經大把,科技真係非常方便。


之不過,交友APP上面既鴨仔照片,跟叫鴨網一樣都係有極重「PS味精」,假人假相假J一樣有,要分辦真偽並唔係容易,阿守寫緊篇叫鴨心得,遲D會再講。

今篇重點係,阿守好多時經過呢3個鴨仔熱點個陣,D鴨仔係會主動Send Message過黎,含情脈脈咁問「要服務嗎?帥哥。」

阿守知道搵食艱難,冇生意個陣就要主動出擊,四圍Send Message去「Cold Call」搵客,花一小時搵一百個客,只要有一單生意就已經賺左,呢樣野阿守並唔介意。

不過如果同一個客人一日收十幾個呢類推廣Message的話,就真係趕客囉!

阿守就試過,有一隻鴨仔Send Message過黎問,然後八卦既阿守自自然然Click佢個頭像,入去睇佢乜料,同埋有冇其他相望望啦!

發現唔Match好自然就唔會覆佢,點知鴨仔哥哥可能見到阿守曾經「望過佢」(有玩交友APP自然知道講乜),於是不停轟炸阿守,係咁Message過黎,問要唔要服務、又自吹自擂幾粗又大、一零高手云云。

阿守記得係兩小時起碼廿幾個Message,真係不勝其煩,唔怪得你咁耐都冇生意啦!

唔覆你即係代表對你冇性慾啦!你點Sell自己都唔會有用!

搞到依家真係唔太敢隨隨便便去「望」D鴨仔,遇到一個咁進擊已經咁煩,十個既咁點算?

麻煩有睇呢篇文既「進擊的鴨仔」高抬貴手,唔好死纏爛打,好冇?

2 則留言

Unknown 提到...

阿守應該好靚仔or 身材好好
咁多人approach

Unknown 提到...

幾時有得睇叫鴨心得? XD

So Gay HK. 技術提供:Blogger.