出門叫鴨七件事

唔少網友都同過阿守講，希望阿守會講一下叫鴨既入門心得，其實之前大隻鵬都寫過唔少，阿守講既都唔會有咩創新，當同大家溫故知新又好，分享個人經驗又好，只係希望大家叫得安全又開心。
阿守的第一次

想當年，阿守仲係十八廿二既時候，真係會成日幻想叫鴨，奈何仲係學生哥，邊有時間、金錢同埋機會叫鴨丫？到出來工作、有經濟基礎之後，終於有一晚Honry到爆，即時上gayhk個Chatroom度搵Fun，發現一個叫MB既人，話佢自己係後生大隻鴨，$600有交易，佢話冇相睇，不過唔岩可以走人，個陣阿守邊會諗到係唔係Cheat人，就當見識又好，發洩又好，即刻約左佢。

記得當時阿守問佢有冇地方，佢就話去佐敦間聖地牙哥Book房，個陣仲係有時鐘租房，阿守記得係$350兩小時，先租房，再Call鴨仔來。猶記得當時阿守好緊張咁坐係床度，直到門鐘一響，打開門，鴨仔果然係大隻Sporty，黑黑實實好好波，大約廿歲尾左右，唔算靚仔，不過夠Man，都幾正架！

少年阿守要求唔高，要個聽話零仔就搞掂，生剝佢之後，一齊入沖涼房，Ｄ水一邊沖，阿守一路錫佢全身，之後大家濕滴滴咁上床再砌佢，鴨仔好專業，肯吹、肯畀人插、又肯畀人打飛機，足足玩了一個鐘。

玩完之後，仲同鴨仔傾左陣計，佢話自己係Freelance，唔係跟Agency，否則唔會咁平，而且好少見阿守呢類後生客，同埋算係易做。咁梗係啦，第一次乜都唔識，都係照睇GV既情節做架咋！（個陣係錄影帶同VCD年代）

為免尷尬，鴨仔先走，阿守隔了15分鐘之後也自己回家。完成呢個第一次之後，梗係有第二三四五次，聖地牙哥新翼的建成，阿守都出唔少力架！

好多年之後，斷斷續續都叫過唔少次鴨，有時係《雄風》、《指男》、上Chat Room、Rent Boy、Man Hunt咁，到依家係gayhk首頁同JackD，鴨店就真係一次起兩次止，或多或少都有Ｄ心得可以分享一下。



一、虛擬假身份

首先，預先諗定個身份先，中英文名、住邊、做邊行等等。反正都係老吹，求其搵個朋友身份都得。然後去先達或者鴨記買部二手電話，再買一張太空卡（Seven買幾十蚊一張），用完即棄，如果出事保證唔會上身。

成本唔貴，買件衫都冇左，值得去做。


二、揀仔要小心

依家好多鴨仔都係個體戶，不過仍然有唔少鴨仔係跟Agency。

一般係網站或者APPS搵既都係個體戶，鴨仔相或多或少都會PS加工，唔一定保證係真人，文字更唔好盡信，總之一句，愈正就愈要小心。

揀岩之後就打電話去問，傾好價錢、同埋有乜要求之後，就約時間地方見面，有懷疑的話，建議先叫鴨仔係人多既公眾地方等（地鐵站），離遠睇清楚，唔對版即閃，如果佢唔肯，即係身有屎。

強烈建議大家，將協議的內容，用SMS、APPS用文字再Send畀鴨仔再Re-Confirm確認一次，曾經有LINE友同阿守講，有Ｄ鴨仔會完事之後，屈客人記錯價錢，明明講好$800就變$2000，大家小心Ｄ好。

搵Agency會比較好少少，有時會提供相片、有時可以上去有真人睇辦，仲會安排地方，不過價錢會貴一倍左右。


三、搵地方開波

如果係個體戶，用電話約完鴨仔之後，跟手就要租地方，唔好諗住Walk-In，依家咁多自由行，真係唔一定有房，如果係Weekend，更容易爆房。

如果決定去酒店或者時鐘，所有能夠證明到你身份的任何證件、卡片、手機等，最好唔會帶出黎，簡單Ｄ剩係帶假身份的手機、身份證、肉金。

建議去時鐘賓館，因為租金便宜，兩小時都係$200至$500，又唔洗身份證紀錄，依家冇酒店提供時租了，一租就一晚，一千起錶。

阿守強烈勸諫，絕對唔好帶鴨仔返屋企玩，佢唔係你屋企人，唔係你知己朋友，隨時都會出賣你、偷你野，亦都唔好去鴨仔個竇，因為佢地真係得個床位，四圍都係人，環境仲要係唔理想。


四、見面驗真人

之前都有提過，先約鴨仔去Ｄ公眾地方等，離遠望望先，唔係真人就閃，原因係，如果先碰頭再發現貨不對辨，有機會被勒索「車馬費」，$200-$1000不等，小心為上。

如果發現係真人，就上前「認領」，唔洗鬼鬼鼠鼠，大家都係著住衫，好似舊朋友見面咁，驚乜？

阿守之前都叫過唔少次，好多鴨仔出Job都有樣睇，佢地會特登著到靚一靚，緊身衫Show身材，噴古龍水咁，好易認。

提醒大家，千祈唔好當街當巷講價錢，因為會犯法的。傾價錢應該一早係電話入面講好。


五、同鴨仔入房

Meet了鴨仔之後，就可以去開波地點，如果係酒店或時鐘，怕尷尬咪前後腳入房囉！

入到房，第一件事，就要同鴨仔再三Re-Confirm即將要做Ｄ乜先，費事佢側側膊，好多仔都希望極速幫個客打飛機，男人一出左就乜Mood都冇，到時佢就可以拿拿聲再接第二個客。

確認之後，首先自己入去沖涼，所有野跟身，沖完之後先叫條仔沖，而趁佢沖涼個陣，就搵Locker收埋Ｄ野，無Locker就收埋其他地方，例如床下底、櫃底之類。

開波之前，望真Ｄ同摸摸鴨仔條ＪＪ同後庭，睇下有冇奇怪粒粒、斑點之類，可以既話，聞下有冇異味，有既就唯有畀車錢請佢走啦！

性病呢家野，真係可大可小，剩係磨豆腐都可能惹到Ｄ簡單性病，HIV既就好難睇，戴套係鐵則，一般時鐘房入面都有KY避孕套，酒店既就自己去Seven買定，KY藥房有，自己做Top就要識戴，鴨仔做Top就要幫佢戴／望實佢戴。

千祈唔好飲醉或者Take住野玩，斷片個陣冇人救到你。


六、玩完之後

阿守遇過唔少次，鴨仔係做完之後，好多時都會要求多少少錢，即係傾好$600，想要$800，理由係佢可能比平時做多左野，例如比平時落力Ｄ、呻吟大聲Ｄ、用口吹你之類，總之就係想加錢。

狼Ｄ野仲想打開你銀包，睇下有冇機會拎盡你Ｄ錢。

呢個時候，千祈唔好心軟，最多$100車費！否則會整到成班鴨仔做壞風氣，以為係老馮。如果你有照上面做，只係帶肉金，就唔會畀佢地屈到。

仲有，唔好玩自拍、床照，要影相都剩係影鴨仔一個人，阿守就試過用部DC仔影個大隻佬，叫佢擺Ｄ健美Pose影相，唔係影裸照佢地應該肯的。

記住，無論如何，自己都唔應該入鏡，一失足成千古恨。


七、心態要強硬

只要記住一樣野，錢在你手，鴨仔搞乜都奈你唔何，飛唔出你五指山。

例如原本講明話要佢做Top，玩足3小時，不過上到床個陣就死屍咁款，仲想幫你打飛機算，呢個時間就要「起鋼」話佢唔可以咁，否則就唔畀錢。如果有跟Agency就仲簡單，即刻Call爸爸投訴。

如果鴨仔態度仲好惡劣，仲兇你搵人打你既話－－－報警啦！

人離鄉賤，搞大件事，鴨仔仲驚過你。

只要你地冇打交，冇財物損失，就算警察真係黎到，差人見到咁，一般都係即場和解，絕少機會帶你返差館，亦都唔會留案底（警察會做多好多野），你最多都係「瘀皮」一陣，不過條仔就慘了，大陸鴨就一定遞解出境，拎左身份證既，都會冇左一日生意，佢一定蝕得金過你！

話分兩頭，其實鴨仔搵既係皮肉錢，你估佢地真係好想出賣身體？可以既話，對佢地好少少，唔洗要求太多十項全能，又唔洗成日扮大爺「起晒鋼」，大家一人一步，Happy易做到。