Header Ads

台灣G訊:Aniki WoW! is back



記得幾年前,Blog才剛建立不久,曾經同神級的大隻鵬傾過計,阿守講過「不如你就專攻外國,我就專攻本地啦!」所以一直以來都只係寫Local野,依家見到佢地歸隱,心郁郁想試下寫外香港以外既東西,不過主要都係東南亞,大家拭目以待囉!先拋磚引玉一下,台灣最著名的同志Sauna場Aniki,早幾日之前終於終於終於終於....試業了!


新Aniki正名為「ANIKI WoW!」,即係World of Wonders(充滿奇妙的世界咁解),係台北市大同區寧夏路11號B1/B2,坐捷運到中山站,行幾步路就到,交通比以前方便,阿守就未去玩(只係開了幾日咋!),聽講首日試業就大排長龍,聲勢迫人。

有「抽油煙機既」煙房
Aniki官網入面仲Show到入面有D幾貼心既設備,好似有獨立排氣的吸煙房、專業健身房、好似MTR既轉轉自動閘、自動吹頭機、可以活化肌膚的全彩能量艙,不過就未知有冇之前既按摩服務,總之淨係睇相,成個場都好正!

試業期的入場費為$300台幣,圍返仲畀香港Sauna更便宜,當然,只係試業期,正式開張應該會變返正價,幾多?真係唔知,可能上一代的入場費貴DD吧!聽講仲有終身會費、年費呢D計劃,有興趣的朋友不如直接去問啦!

講返D八卦野,Aniki係今年2月21日停業,台灣D同志區有個傳聞,就係業主受到附近D鄰居同埋警察施壓,搞到要迫Aniki搬走,主因係怕造成毒品溫床,儘管Aniki拍晒心口話唔會,奈何都冇辦法令業主回心轉意,只能停業。有聽說老細意興闌珊,於是將呢個延續Aniki精神的重任,交畀另一Group人打理,就變成了Aniki Group。

有好專業既健身場
本來呢,Aniki Group會係原址附近搵個新地方再戰,諗住4月捲土重來,點知業主又拖拖拉拉,後來仲拉倒,之後搵黎搵去都冇地方收留(衰事傳千里),查實都幾慘。最後終於皇天不負有心人,係另一區(大同區)搵到舖,而且個邊D業主鄰居又肯相信Aniki Group既禁毒宗旨,因此新Aniki WoW!先能夠面世。

原定係7月開業,不過依家8月中,遲了一個月,不過總好過冇啦!台灣,I am coming!

阿守在此奉勸大家,Aniki WoW!的回歸著實不易。吸毒,行遠D,謝謝!


Aniki WoW! Facebook
https://www.facebook.com/ANIKiWoW

沒有留言

So Gay HK. 技術提供:Blogger.