鴨~~~王~~~~

Well，原來2015年的賀歲片，竟然有兩套係有「叫鴨」情節，而且主角更被封鴨王，一套係王晶搵Dominic何浩文擔正既《鴨王》，憑巨雕稱王；而另一套就係吳君如主演《12金鴨》，其中由林峯扮演的鴨王一角，技能未知。


雖然Dominic何浩文身材超正，高大後生，但係樣子唔係阿守杯茶，挑唔起阿守任何性慾，再加上戲內一定只有好少男男情節，王晶呢類情慾戲更加唔係拍畀同志睇，上映後可能買DVD或者睇小米算。題外話，戲中的男配角白健恩，可能比何浩文更似鴨呢！哈哈！

反而，吳君如套《12金鴨》既號召力就大好多，帶著《金雞》系列多年來叫好叫座的往績，點都要入場支持一下，再者，林峯真係幾靚仔，《使徒行者》的破格演出之後更加鍾意佢，就算冇咩男男情節，都一定捧場。