交友App識人，識著個呃你85萬既騙子

尋日突然收到一個Email，講佢有個朋友最近畀某賤人利用 JackD 識人，呃左成85萬，事成後消失得無影無蹤，警察都搵唔返，件事仲上埋報紙，真係無陰公，仲希望阿守幫忙提一下，警剔大家以後要帶眼識人。


「情郎」是騙子 男同志失85萬元

【本報訊】狡猾男在同志App狩獵行騙，「出櫃男」失心又失金值八十五萬元。一名疑是同性戀男騙徒，透過手機同性戀交友程式搜尋獵物，一名「八十後」青年不虞有詐，誤墮情網後稱遭對方游說合作「投資」黃金，先後向銀行借貸兼掏盡私己約八十五萬元買金，惟對方「得金」後即如人間蒸發，該青年懷疑受騙，上周四報警求助。

交友App邂逅 被氹買金

疑受騙青年（二十七歲），報稱任職文員，現與家人同住觀塘順天邨。自稱是同性戀者的事主表示，去年十一月底，他透過一個同性戀交友程式，認識一名自稱姓馬、英文名叫Avis年約三十歲男子，雙方關係發展迅速，對方自稱從事黃金買賣，月入十多萬元，上月起游說他合作投資，揚言賺取百分之十回報。

上周三，事主向銀行借貸兼掏盡私己共約八十五萬元，交對方往金行買黃金，兩人之後乘的士往油麻地白加士街一幢舊樓，馬稱將黃金帶上樓搞手續，着他在樓下等候。但事主等候多時，失去馬的蹤影，稍後上樓卻見大廈內並無金融公司，懷疑受騙，翌日（上周四）他往中區警署報警。警方發言人表示，上周四晚接獲事主報警，案件暫列以欺騙手段取得財產處理，暫無人被捕。

http://orientaldaily.on.cc/cnt/news/20150119/00176_013.html

阿守：據 Email 朋友講，呢單野累到主角好慘，欠銀行巨債，都唔知還到幾時，明明呢筆可以勉強做首期買樓既錢，點知就為情出事而冇晒。

個交友 APP 就係 JackD，個騙子 Avis 仲要本身冇放相，黑色方格「Hi」主角一聲就出去見人，點知出到黎發現 Avis 係靚仔就暈晒大浪，以為係天賜良緣，點知識人唔夠兩個月就比人叫投資，又唔知人真名、又唔畀人影相，其實已經覺得真係好有問題。

以下既說話係會好難聽，如果主角有睇到就最好：阿守知道你Ｄ朋友一直都想鬧醒你，係你瘟仔瘟到自己姓乜都唔知，無論你有冇同 Avis 上過床，只係大拿拿拎 85 萬出黎畀對方，而自己對佢又乜都唔知，仲要唔係一齊上金融公司喎，點解你一Ｄ懷疑都冇既？真係得一個字形容你，蠢！

不過「蠢」呢家野，人人都做過，阿守都奶過唔少次，今次咪當係一個教訓，之後只要記住「唔係人人都可以有個靚仔男朋友」架！

你都知警察話同一人同一手法已經發生好幾次，雖然唔係最多錢既一次，但唔代表佢對你有意思而手下留情，而係因為你冇咁有錢咋！阿守知道你仲好掛住呢個賤人，醒o下啦！

當然，你仲後生，仲有得翻身！

題外話，其實係交友APP入面，真係幾多騙子，阿守知道 JackD 入面有幾個常常出現的騙子，呢Ｄ騙子唔係假相假人個Ｄ，而係真正呃你錢屈你錢個Ｄ‧。第一個當然係鴨咀獸，想呃人出黎上床，再威脅呃錢個Ｄ，只不過佢今時今日已經又唔後生又唔靚仔，都唔知想點。

咁出名，唔洗講都知係鴨咀獸。

第二個係 Sell 美容公司的傳銷，唔靚仔不過身型好Fit，有胸又有六舊，阿守唔太記得佢叫乜名，因為轉頭就 Block 左佢，只係記得同佢傾計唔夠幾分鐘，就狂講自己做 Facial 好正，仲話要介紹平時去開旺角個間乜乜乜畀阿守咁話。

不公開樣子了，不過身材係幾正，懷疑佢係直仔黎。

另一個是出來做鴨的，傾計個陣就扮到對你起晒痰，起勢咁撩興你，不斷約你出黎銅鑼灣飲野，只不過臨門一腳就話要收返少少車馬費，聽到呢句即刻乜 Mood 都冇，仲點會出黎畀你魚肉丫？

總之大家就要帶眼識人啦！