Poseidon 執笠大減價？

最近見到港島區骨場 Poseidon 有個超荀優惠，90 分鐘按摩原價 $398，六點前收 $298，六點後也只是 $328，實在平到有Ｄ可怕。聽說 Poseidon 生意大不如前，很多王牌師傅走得就走，剩低Ｄ籮底橙同埋大陸師傅撐場，所以先有呢次自殺式執笠大減價，不過相信都捱唔到幾耐！

其實，Poseidon 的沒落，跟現址上海浴室的頹勢有異曲同工之妙，就是舖位地點「山卡啦」，交通唔方便，邊有人去幫襯丫？

就算畀你減到三百蚊又點？咪同附近的 Prince Spa 跟兩間泰仔場差唔多價位，爭唔到幾多客返黎，最終都係死路一條！

想當年已摺埋的「皇馬上海浴室」同埋「新浴德池」，臨收工個陣都係劈到呢個價，依家只係歷史重演一次而已。

Counter 服務態度惡劣

有睇開阿守既 Blog，都知道寫野都留有一線，點解呢篇會擺明勁串 Poseidon？

原因係阿守曾經幫襯過兩次，兩次都遇到非常不好的經歷。

第一次，在舊址京都廣場，阿守入門口就問 Counter 有咩師傅得閒，點知 Counter 條肥西眼尾都唔望我，側埋半邊臉串串共咁話：「咩師傅都有，你想要乜都有！」

咁阿守就話想要大隻、好力Ｄ既，Counter 話：「冇喎，我介紹個後生既畀你啦！」咁你又話乜都有......

按摩師 Sales 上身

ＯＫ，咁入房啦，個師傅係就係後生，高瘦平咁，仲操得一口流利的國語添，令阿守好似置身大陸骨場一樣！

按左唔夠 10 分鐘，冇錯，係 10 分鐘，佢就問阿守要唔要同佢搞 1/0，仲話自己八百蚊好平，明益阿守喎！

之但係阿守覺得，如果應承你，阿守我就真係益返你轉頭囉！

所以阿守全程都冇理過佢，不過佢就自動波一直游說，煩到好似 Cali 的 Sales 同 PT 一樣，痴Ｑ線，想點？唔該專心Ｄ按摩啦！

最後阿守叫佢唔洗推油，齋按摩就得啦！真係把鬼！

巨蟒大隻佬 Andy

第二次，就係去告士打道的新舖，因為有朋友介紹話有個巨蟒大隻佬 Andy，叫阿守試下，不過打電話去先知原來佢已經轉名，搞了一輪先搵到佢。

講開呢位師傅，聽講 Poseidon 老細愛死佢既巨蟒，為了得到佢歡心，就包底薪 $2000，而且拆帳又比其他師傅高，明符其實的「皇親國戚」。

上去一入去個廳仔，四周圍都係白布同埋酸枝木傢私，大吉利是講句，靈堂咩！

入到房按摩，師傅又真係高大兼大隻，雖然成熟左少少，但都唔錯，手勢都ＯＫ，又有力，Happy Ending 自然不在話下，算是為這間舖拿回不少分數。

Counter 老屈客人 Tips

只是，精彩的卻是在 Counter！

今次坐 Counter 的係一個有對大奶、塊臉又長又白的阿叔收錢，當我畀完按摩錢 $398 之後，佢笑騎騎咁同阿守講：「仲爭師傅 Tips 三百蚊喎！」

阿守好愣然：「我係房入面畀左佢啦！」因為師傅在房入要阿守即 Pay。

阿叔就立即變臉：「公司唔準係房入面收錢的，要出面 Counter 畀先岩！」咁關阿守Ｘ事！

阿守話：「但我真係畀左架喎，係師傅叫我係房入面畀，係唔係要我畀多次？你叫師傅出黎講清楚好喎！」

阿叔即刻兇我：「師傅係唔會出黎前台，有咩係度講清楚！唔係我報警！」唔畀 Tips 就報警，咩世界？更何況阿守真係有畀！

阿守立即入返去個「靈堂廳仔」，同個阿叔講：「呢度唔係前台啦！唔該你叫個師傅出黎講返清楚件事！」

好在，師傅立即出黎同我擺平件事，話自己已經收左 Tips！阿叔立即變返笑口騎騎，係咁講「對唔住」、「下次唔會」咁。

哇！阿叔你唔拍戲真係浪費左你，黎耀祥、張家輝、劉青雲都要行埋一二邊！

總之，Sorry，冇下次囉！

講返就激氣，係咁！