FM Homme 收皮

最近收到風聲，灣仔老牌泰仔骨場 FM Homme 老細失手被擒，全間店都消失了！據知，原來是老細一直都有 High 冰，就係因為衰太揚，令反毒組不得不做野，有晚就趁佢上舖頭就拉大隊上門收佢皮，落閘封舖兼拉人。

網站電話都失效

雖然唔知道有無泰仔或客仔被帶去警署，但至少 FM Homme 成個網站鏟走左，連電話都冇人聽，應該兇多吉少，搞到其他幾間泰仔場有得震冇得訓。

不過阿守認為，今次反毒組有功課交，唔代表入境處想接呢份功課，仲要係黑工加同性賣淫呢個咁爆既題材，畀傳媒知道就麻煩大檸樂，因此估計事態應該唔會惡化。

向毒品 Say No

有前輩同過阿守講，依家咁多毒品之中，冰係最仆街，佢唔同糖、可樂或者咖啡，上癮後基本上係搣唔甩，本身價錢又貴，成千蚊一劃，仲會愈食愈多，到時人又老，錢又無，周圍搵人度水，搞到眾叛親離，之後就只可以去偷去乞，然後就會被人利用去走貨，最後等坐監，何苦呢！