八八卦卦六單料 *13/7更新

早陣子去泰國玩左個幾星期，最近返黎同班姨媽姑姐吹水，道聽途說好多野，散收收，又唔可以整理到一篇野出黎，因此用 Point Form 形式講講啦！

1) 聽講土瓜灣某出名的同志民宿畀政府「周」到，話佢無牌經營民宿，仲上埋庭，罰乜野阿守就唔知，只係估唔到佢做咁多年都冇搞個牌照，真係好驚訝，希望主持人吉人天相。同時深水步那幾間一睇就知係「非法租房」的地方，主持人你地睇到呢段野都快手搞掂Ｄ手續啦！

2) 呢排多左兩間骨場，一間叫 Nature Spa，尖沙咀區，未開業的，另一間叫 Avalon Spa，在灣仔駱克道，真係好鬼熱鬧。其實阿守早排收到風，知道有一班人曾經在銅鑼灣區搞過 Sauna、現在又想大搞一間骨場，仲話係想打造繼上海浴室之後最豪華的骨場，唔知係唔係搵唔岩舖位，所以改為上面兩間其中之一？
*13/7更新：再次收到風，原來 Narure Spa 係現 Prince Spa 老細負責，今次進駐尖沙咀，風格應該同樣都係行「全快樂路線」，令到尖沙咀的骨場數量增加到六間之多，買定花生都得啦！

3) 中環區近電梯處應該會在這幾個月內，新開一間「半 Gay 半直」的 Bar 或 Cafe，舖面應該會好大，而且仲要有幾層樓，可能搞埋早場。如果真係電梯位搞，阿守覺得好牙煙，SOHO 劈完轉場都唔會行咁遠啦！

4) 依家叫鴨唔興去鴨店，又或者上 gayhk.com 架啦！只要手上一部 Smartphone，即 iPhone 或 Samsung 咁，Download Grindr 或 Jack'D 呢類交友 Apps 即可搵到好多鴨，甚至 Money Boy，尤其是在油尖旺、中環或灣仔，開出黎一睇，多到你唔信。怕假相的話，咪叫佢開視像囉，正接對話大家公平，唔方便既就叫佢即時自拍影相，仲要係指定 Pose 喎！如果少少野都做唔到，九成係假！

5) 聽講尖沙咀雞頭一姐「Ｓ姐」即將涉足同志鴨呢行業，因為唔同雞場，競爭少，油水又多，唔爭就奇。阿守知道有唔少本地的高級鴨同埋按摩仔都被佢「撩」過，聽講拆帳比市價高一成至兩成，成唔成事就唔知，不過阿守知道好多鴨志在 Part Time 搵快錢，唔會長做，更唔會似Ｄ雞咁晚晚返工，亦唔洗聽人支笛做野。

6) 每年暑假，警察都會「重視」青少年吸毒情況，收到風，堅的，今年同樣都係會將重點放在旺角區，尤其是同志，爆房、去 Party、去 Sauna 都小心啦，估計應該唔會查牌咁大劑，之但係Ｄ人出出入入上上落落，一見到有可疑人物就出動咁解。