[蘋果日報] 出爐亞生冠軍 影「男男」半裸照

 

本屆亞洲先生名次已定，由現年28歲、11號朱曉輝摘冠，可以話半冷，因為之前呼聲最高都係翻版古天樂張傳奇同17號黃集鋒，結果前者六強止步，一個只得季軍，真係跌晒眼鏡。


講番朱曉輝，中國代表，喺Google打佢個名，收穫一定豐富，因為佢都係一個幾有名嘅模特兒，凱渥模特兒經理人公司旗下，仲係演員，又係著名健身教練，網上有好多佢教人操弗身形嘅片。之不過，除咗搵到呢啲充滿男性魅力嘅宣傳相廣告相之外，仲有好多「基情」頗濃嘅相，其中一輯仲係同一個男子喺洗手間影嘅，兩人眼神既挑逗又迷離，難怪唔少內地同志網都轉載朱曉輝嘅半裸照啦。

阿守：其實阿守覺得Ｄ相幾健康丫，好多男 Model，尤其是韓國 Model 都會影Ｄ大膽Ｄ既相，真係小題大做......