Sauna 係情人開波好地方

阿守知道，唔少 Member 心思思想同男朋友仔開波，自己上車有樓就冇問題，冇地方既，就可能會去酒店租間房過夜，不過要千千聲，時鐘酒店又係間間接受兩個男人，雖然近年多左Ｄ專做 Member 生意的時鐘，但睇相片環境真係差左少少，因此唔少 Member 都會選擇去 Sauna！


Member Sauna 正常入場費只係一百蚊鬆少少，兩個人加埋最多都係三百蚊有找，後生仔甚至免費入場，相比起時鐘同酒店，真係慳返唔少！而且靚少少既 Sauna 入面又有任飲任食（小吃），又有電視雜誌，仲可以上網，沖涼設施又完善，12 小時任玩，都咪話唔盞！

重點係，Sauna 入面全部都係同志 GAY 佬，大家同聲同氣，比起其他地方，會疑心房門口出面阿嬸會唔會偷笑，又怕突然有警察上黎查牌，甚至嗌得大聲少少都怕畀隔離房既人聽到，咁多心理障礙，玩都玩得唔過癮，係咪先？

由於 Sauna 入面好多人，同男朋友仔入去玩，唔多唔少都會畀其他人抽水，而且有時又嘈得滯，所以建議選擇去Ｄ有情調、又唔多人既 Sauna 囉！香港咁多間 Sauna，梗有一間岩你，詳情都可以入去「同志桑拿一覽」睇。

阿守知道唔少人覺得 Sauna 又淫亂又污糟，行近Ｄ都會感染到性病同愛滋。不過阿守本人覺得，依家好多出名的 Sauna 都只係淫而不亂，畀個隱蔽的平台尋找性愛，好多「過份」的客人都會被 Black List，例如因吸毒失晒常性個Ｄ、性慾強到要係走廊自己打飛機個Ｄ、追住人起勢咁 Kiss 個Ｄ，因此大家都可以放心去玩。

另外，只要做足安全措施，玩乜野都要帶避孕套（反正 Sauna 場內免費任拎），唔濫交濫藥，玩多多都唔會有事。