旺角新場 i-Massage

話說在 MSN 有唔少基友都叫阿守去旺角新開的 i-Massage，幫佢地打頭陣，不過 i-Massage 個廣告乜都冇，連某同志網的「鱔稿」都講到不倫不類，唔講按摩，講骨場的「窗外景觀」，真係犀利！搞到阿守見住 i-Massage 開張成個月，都冇心機去幫襯。

早排睇完《一代宗師》，心懷整個「武林」，就膽粗粗走上去 i-Massage 踩踩場，我不入地獄，誰入地獄！

入面大約有四至五百呎左右，有一大三細房，大房有浴室，細房就需要走去外面同一間浴室沖涼，有趣的是，兩種房唔同價錢，大房 $398，細 房$368，環境算 OK 企理，只係覺得細房係大廳隔離，圍住條毛巾行去沖涼，真係比較尷尬，慳成本既，加返個屏風會比較好。

師傅方面，睇廣告就知道，得一兩個係按得好，其他都係新人，阿守就當然試老手啦，Jerry按得幾好，力度舒服，又夠準繩，不愧是原浴德池師傅，人又夠禮貌，雖然佢都係算後生仔，有Ｄ肌肉，仲係鍾意打保齡球既高手，但係捲毛的髮型就唔係阿守杯茶，加上阿守第一次去，都冇做過Ｄ乜。

MSN 有Ｄ八婆話畀阿守知，i-Massage 有幾個師傅都係由 Ju Massage 跳槽過去的，而 Ju Massage 近來又畀銅鑼灣私按 Micheal 打理，仲招攬埋附近的個體私按如 Aaron，壯大聲勢，哇，真係亂晒龍。

其實阿守真係有個大問號，唔少骨場會招攬一Ｄ私按返去，應該都係 Freelance 拆帳形式，雖然咁會令骨場「好似」有好多師傅，但唔怕Ｄ私按會在骨場撬走Ｄ客咩？

自己食晒Ｄ按摩錢，好過畀左一半畀骨場啦！

i-Massage (76分)

電話：27811816

地址：九龍旺角西洋菜南街5號好望角大廈20樓2008室

網站：http://imassagehk.t15.org

短評：旺角區最新開的骨場，地方企理，有 4 間按摩房，只有一間有浴室，其他要到公眾浴室洗澡。師傅選擇不算太多，不過招呼周到。

分數：環境（3.5/5）交通（4.5/5）師傅（3.5/5）接待（4/5）價錢（3.5/5）＝19/25