[月經文] 誰是阿守競猜遊戲

唔知點解，突然又發現做了有錢人，在 Toiletwall 被人傳係某 E 記骨場老細，在 TT1069 又被傳係某胡記桑拿老細，又同某 ABC 老細有路，唔知幾時會再傳阿守係某 L 記 Bar 的老細呢？阿守幾時做左咁多間「紅場」的老細都唔知？


可能係，讚得愈多，就愈得該店的祝福，甚至做埋人地老細？

自嘲而已。

事實上，阿守在 Blog 公開介紹的 Sauna 和按摩師傅，其實都偏向正面，阿守有幾可話Ｄ師傅樣衰口臭又核突，叫大家唔好幫襯？有幾可話Ｄ桑拿係危樓吉舖有鬼，叫大家避之則吉？無嘛～～

阿守明白，拆樓容易起樓難，名聲呢樣野得來不易，只要唔係燒埋身，阿守都唔會公開對某某師傅某某桑拿惡言相向。

不過～～～～～雖然阿守唔會公開鬧爆，但係有 ADD 阿守 MSN/Skype 的網友，應該都見識過阿守的「負面」批評，大家有興趣的，不妨 ADD 阿守交流交流。

之不過，呢個 Blog 主講消費，利益當前，阿守早就預了會有Ｄ無聊人玩針對，得閒會黎一招「砌生豬肉」，阿守完全明白的，因為阿守都冇表揚過你地嘛，簡單兩個字，妒忌，所以，阿守會自動 Ignore 你地，你地慢慢嘈到夠。

不過最搞笑既係，明明講緊「i」字骨場的師傅，點解會有「j」字骨場的人出黎對號入座？人地公司既野又關你事？完全理解唔到。


誰是阿守競猜遊戲

歡迎大家估阿守我係邊個，不過可以同大家講，無論 Toiletwall 同 TT1069 上的「答案」係對定係錯，究竟阿守係 H 先生定係 D 先生，又或者係K先生？阿守都只會不予置評。

黎得睇 So Gay HK 既人，都係睇本地同志資訊、桑拿骨場傳聞，收視最高的更加係師傅分享，佢地會對阿守有興趣咩？真係冇乜可能囉！

請節省節省吧！


好多隱世高手

唔好活在自己的小世界入面，阿守從來唔敢話自己識好多人、日日去蒲去玩，出面既大把 Member 老前輩。

Sauna 界中，一星期去足五日、每次去唔同 Sauna 的大有人在（佢地好多都係VIP免費入場架啦！）；按摩界中，阿守認識至少四個人，差唔多個個禮拜都會好神心咁試新師傅（各骨場老細一定認得佢地，唔認得既請自我檢討）。基本上，阿守好多料都係佢地過畀黎，佢地對 Sauna 同骨場既認識分分鐘仲多過阿守。

講你知，阿守一個月平均去 4-5 次桑拿、2-3 次按摩咋！叫鴨？可能兩個月一次都冇！

不過，當一個人鍾意一樣野，自然會好努力咁花時間了解當中的「奧秘」。

唔難，教大家，好簡單。

去 Sauna 識人，咁多人，每個都吹水，自然認識 Sauna 生態；去按摩，識 Counter，同師傅傾計，一樣可以知道好多按摩趣聞，阿守間唔中都會叫鴨，亦都知道佢地係心態黎香港搵錢；安坐家中的，都可以用 JackD、Grindr、Manhunt 識人。例如就有傳聞話胡記桑拿同Ｔ記骨場係自己物業、大帝桑拿蘭子崛起之因、大ＪAndy 喪追按摩大師 Dicky 不遂之謎等等。

識朋友，唔代表一定係 Sex，亦唔代表叫你地學明哥同阿詩出櫃，只不過係叫你地用「心」行出第一步，識一Ｄ同志朋友，令自己的生活更開心。

**月經文：即係一Ｄ文章，好似女人Ｍ到咁，每隔一段時間就會出現。**
對上一篇係呢個：太多無聊人上來留言