男神寫真入手

阿守尋日去書展，人真係勁多，又落大雨，係外面迫左半個鐘先入到場，咁辛苦，目的當然係三位肌男的寫真集啦！


「A&F男模」趙勁皓樣靚身材正，寫真集Ｄ相好可愛！最大尺度係全裸訓床，用張被遮住下面。

「翻版黃曉明」顧又銘大波唔怕露，戶外全裸露毛影相，最勁係Pat Pat都影全相。

「糖妹男友」何浩文話係Sell可愛，不過阿守完全唔覺得囉，個樣有Ｄ反胃。

阿守只係買左趙生同顧生，現場所見，顧生Ｄ寫真銷情最好，阿守搵左兩個攤位先有，而趙生亦都剩低唔多，何生就賣剩唔少。

愈睇愈靚仔大隻，點解唔出DVD呢～～～Big波盪漾，好吸引啊！

話說書展前三個肌男的寫真全都被一個神秘劉先生用35萬掃清光，乜回報都唔洗，只係想要佢地公開講多謝佢就夠！

咁神化，唔通真係之前影男人影到坐監的劉先生？不過阿守覺得係「做新聞」多Ｄ，劉先生岩岩坐完監，唔會咁張揚掛？