Double Happiness 虹雙囍

今日突然在網上Search到這個於三月初成立的組織：虹雙囍（Double Happiness），佢係香港首個同志婚權組織，以「Love, Equality, Rights」為宗旨，為同志伴侶爭取婚姻的權利和認可，絕對係Member既喜訊！

呢個組織，係以循序漸進方式，為同志社群爭取各方面權益。他們希望一些正在計劃或已婚的同性伴侶，或同志社群及異性戀盟友，能加入成為會員；通過參加組織將來舉辦的社交聚會中，分享自己的故事，以凝聚更多力量，提高社會對同性婚姻的意識和支持。

其實阿守都認識唔少Gay Couple，有Ｄ係兩個人搬埋一齊住，共同生活了十年；有Ｄ就係分開住，不過每星期就見兩三次面咁；佢地都未有結婚簽紙呢Ｄ儀式，卻有一般夫妻之實，靠既就係兩人之間深厚既感情，同埋信任！

無婚紙，睇落好似好兒戲。不過，依家呢個社會，有張婚紙就可以一生一世？大家睇下香港既離婚率有幾高先！

阿守對張婚紙就唔係強求，不過！！！

如果有機會，咁梗係支持香港立法認可同性婚姻啦！
阿守都想畀自己另一半有一份尊重。


建議：　

每對Couple都知道，兩個同性戀者（男男定係女女）能夠係香港「係埋一齊」，唔係容易既事，一定會非常珍惜對方，絕對唔可以因為少少唔開心既野，而大發脾氣，甚至分手。一旦講了出口，有Ｄ野係收唔返，就好難再搵到另一個。

如果呢個組織，可以加入一Ｄ解決同性Couple之間的問題，自己做又好，請社工做又好，咁樣可以幫到Member之外，同時又可以認識到更多Couple，快速地得到更多的支持和信任呢！

佢地既Facebook：https://www.facebook.com/doublehappinesslgbt