唔好以為71唔關GAY佬事

如果香港被徹底中共化之後，這個本來對同性戀不太友好的城市，之後就更會對同性戀顯示出更嚇人的毒爪，基本人權已經早已不存在，同性戀仲會有得剩？無錯，依家中國同性戀開始開放，又有得叫鴨、四圍都有桑拿酒吧、上海仲有同志遊行咁，好似好自由乜都得，因為佢地未成氣候嘛！


唔威脅到中央，就唔會有官員或公安干涉，大陸既同性戀根本冇諗過立法、爭取權益（婚姻、遺產等等），如果要佢地好似香港咁，要爭取同性平權，又示威又遊行，又打官司，包保個Ｄ人第二日就拉晒去「秘密基地」，一年半載之後先出得返黎，佢地先唔會敢做！

只要中共仍當權，大陸既同性戀，永遠都係偷偷摸摸，永遠都係六等公民。

香港中共化後，可以想象到的是，現正爭取的同性戀的權益法案可能會在一夜間被粗暴徹回，公安們可能會走上桑拿、骨場、酒吧等地方搜捕所有同性戀，千方百計去打壓我們，令我們變成大陸上面不敢作聲的狗，一隻六等公民的狗，這些都是大家希望的？

再進一步推想，那時的香港同性戀情況，好可能會回到八十年代咁，乜都Block晒，冇APP識朋友、冇討論區、冇Sauna、冇骨場，可悲！

今年71，係好重要既71，比23條的71更重要。已經唔講之前既國教洗腦、自由行污染、傳媒被打壓呢Ｄ事，只係今年已經有白皮書壓港、公投被攻擊、貪污東北強過，完全明目張膽地漠視香港人的訴求，屬於小眾的同性戀說話，更加當耳邊風。

希望大家明天，盡力支持，遊行伸訴，之後有時間既，去政總坐坐都得！

遊行唔一定有用，但唔遊行一定冇用。