GayHK有新聊天室!!

最近無無聊聊，突然發現香港基界大台GAYHK的ChatRoom竟然更新了！真係估佢唔到，而且操作簡單，又支援及加入大量圖片，唔似得以前只有文字，而且跨越港台等華人之地，方便大家坐係電腦面前認識唔同既男人。

使用方式：

 入Chatroom前，先自行創建身份，亦能上載相片，畀其他人睇你個靚仔樣。（只能一個）

然後可以揀「基本功防」同「基動遊戲」，阿守既理解就係「Sex & Fun」同「S & M」。

之後揀地點，包括香港、台灣、新加坡等等，咁香港人自然揀香港啦！

入到Chatroom可以見到不同人傾計，可群聊亦可私聊，仲可以上載圖片。延遲只係一兩秒左右。

預設有34張圖片，懶既話，搵人開波可以打少好多字。

阿守感想：估唔到，真係估唔到，經典的Chatroom竟然會更新同埋升級，不過諗返如果佢仲唔變，真係會畀日新月異既科技洪流淹沒。只是，面對Manhunt、Grindr、Jackd等同志APP，新版Chatroom仍然輸蝕在不夠「行動性」同「方便性」，它只是勝在能夠舒舒服服係屋企用電腦識朋友，有大熒幕又有寬頻，總體黎講都叫各有各好，阿守誠心建議，加埋Webcam功能就更完美了。