《雛妓》「我有俾你屌架！」by 阿SA

雖然《雛妓》這套電影並非關於同志，但是阿守仍想推介畀大家知道泰國及香港性工作者的辛酸，也應該能夠反映同志性工作者的部份景貌。這套三級片，要到2015年4月先正式上映，不過依家已經有電影預告片睇。

以下就係套戲既電影預告片，呢一分半鐘之中，看得出製作認真，港泰兩邊走，場景又多，非一般英皇賣明星的四流電影，尤其是睇到阿SA向包養她的任達華吼叫那一句：「我有俾你屌架！」，完全跟她傻傻更更的女孩形象南轅北轍，感覺十分震撼。

事實上，包養呢樣野，男人包男人已經唔係新鮮事，茶餘飯後的明星包養新聞已甚多，不提，而阿守更知道有唔少同志鴨、ＰＴ、按摩、同志Dancer，都係普遍畀男人包的對象。因為，目標明確易搵嘛！

佢地之間「金與性的關係」，唔會係一生一世，一般只有幾個月，或者幾年不等，取決於金主的心思，阿守就親身見識過，一個同志Dancer在酒吧由「一萬蚊上床後被結識」、「五萬蚊一個月被包養做二奶」到「十萬蚊分手費」，前前後後差不多半年，剩袋四十萬現金以上，還不計有不少禮物如電腦、手袋、手錶等等，阿守更認識一Ｄ同志鴨，睇住佢被包養幾年後分手，依家有車（金主送禮）有樓（金主付首期自己供），生活無憂。

佢地曾經同阿守講：「做呢行唔望畀人包，咁做黎做乜？」

當然，呢兩個例子都幾極端，一來佢地樣子、身材、口才都唔差，應該話係好正個隻，二來呢兩個主角仲要係１仔黎（非常重要），可以屌死Ｄ「零金主」，呢Ｄ規格，同Ｄ天使臉孔魔鬼身材既囡囡有咩分別？咁仲唔財源滾滾來？

同埋，對佢地黎講，被包養反而唔希望一生一世，除非有愛情出現，否則「Short-Term包養」等同「短期合約工作」，多賺幾次，搵夠咪可以慢慢搵屬於自己既生活囉！

呢種「短期合約員工」對一班玩家金主黎講都係最好，畀舊錢出黎玩，到玩厭佢地Ｄ胸肌腹肌、食厭佢地條向左彎向右彎既ＪＪ、性技巧性能力又試到悶，趁缺點仲未出黎，咪分手囉！唔痴身，又冇手尾，然後再搵第二個，不知幾盞！

咁當然，亦都有部份金主真係搵「真愛」，期望一生一世，不過，阿守覺得古人有五個字講得好岩，「歡場無真愛」，千祁唔好唔信丫！