閒談大陸仔仔

最近跟一個大陸仔仔傾計，知道佢原來已經對香港和深圳呢兩個市場灰爆，決定以後轉戰新加坡同泰國，最大原因係有太多人玩電話，尤其是 Book 時間之後就放飛機，Hold 住Ｄ時間搞到佢接唔到其他生意。

阿守自問唔多社會經驗，不過見識都唔算少，知道呢個世界上真係有好多無聊人，內心扭曲到極點，例如會好無聊咁，求其打電話畀一個仔仔，大話西遊講完一輪，話自已要去泰國變性，仲請埋你一齊過去「隆Ｊ」好相宿相棲，點知大家講到甜甜蜜蜜時，就突然鬼上身咁，鬧你仆街杏加橙，最後仲 Cut 埋你線，真係唔畀爆趣你真係唔得。

阿守知道，午夜藍有本期刊，本野期期都會收集好多呢Ｄ「千奇百趣」，而且會扮阿 Sir 咁重組案情，例如阿邊個會食霸王餐，阿邊個又會偷野搶野咁，仲會收集晒玩野電話號碼，呼籲其他仔仔小心Ｄ咁。

其實，點小心呢？百九幾個電話，記得晒既人應該都可以打入世界紀錄大全。仲有，Ｄ人用 133 打電話來，呢個可能係生意，唔通唔接咩？

阿守都好鄧仔仔無奈，愛莫能助！

講開又講，午夜藍本期刊講Ｄ「千奇百趣」，阿守覺得有些 Case 唔一定係玩野電話，而係Ｄ仔仔本身的問題，例如，當大家離遠見到仔仔貨不對辦，唔通唔調頭走咩，順手熄埋電話有幾奇？唔通送上門畀人禁住搶？

依家「假貨仔仔」咁猖狂，隨時人財兩失。

所以阿守建議大家，約仔仔出來玩，一定要約在街上，然後離遠「睇辦」，岩既先上前認領，唔岩就轉頭走人，唔洗內疚，因為保護自己係人類既本能！

阿守唔知午夜藍的職員有冇去求證事實的真相，就將人家的電話公開，只係阿守覺得，既然午夜藍係香港政府團體之一，用既食既都係香港納稅人既錢，好應該去幫助同維護香港仔仔的權利同利益，又或者係「買淫消費者」的權益。

阿守完全唔明點解要花香港既人錢去幫大陸仔仔？

走歪路了。