假相鑑定速成班：臉孔篇

鴨仔假相成行成市，講真，睇到阿守冇晒心機，叫鴨的心情都冇埋，當然連一年前的《假相鑑定速成班》都唔想繼續寫！不過事隔一年，突然覺得做事都要有始有終，最後「的」起心肝完成埋餘下幾篇。現打頭炮的是臉孔篇。

女大十八變，這年代「仔」大十八變又何需大驚小怪，唔係講緊林峰整容呢Ｄ舊 News，而係班大陸鴨仔花幾百蚊人仔，就可以將自己影的相片，由醜鴨變金雞。


講真，用 Photoshop 執樣，年齡至少後生十年，仲皮光肉滑兼彈口，唔洗花大錢去整容，或者美容，呃飯食都容易Ｄ。

點破解好？就請先了解人家執樣三招，然後就見招拆招。


一、捽走年齡痕跡

通常真人相片的「缺點」都係眼袋、黑眼圈、油脂、黑頭同埋臉上的暗瘡痕，如果有返咁上下年紀，嘴角仲有法令紋，呢Ｄ野用 Photoshop 一捽就甩，非常簡單。

基本上，現時每一張相例牌都係咁捽，擺明屈機架啦！不過執相人功力參差，衰個Ｄ會執到成個橡膠人咁，不過應該都認到輪廓既，最多出來見面打５折啦！

呢張圖係阿守用大約五分鐘改圖的，只係將眼袋同塊臉捽到平平滑滑，仲幫佢打 Botox 瘦臉針，同埋縮走個大肚腩，即時後生成廿年，由老 Bear 變索 Bear。



二、五官隨意變化

有時候，如果對眼移少少位、鼻又低少少、口又細小小，可能就會令一個醜男變帥哥，現實有整容醫生幫人，電腦就有PS高手，不過都算係大工程，阿守好少見到有掛牌相咁做。都係個句，呢招真係防不勝防，不過佢點執都叫係「建基」於某一個人的臉孔，見面時打個５即可。

呢張圖，阿守用了大約十五分鐘左右整的，都係集中在臉部，變直豬膽鼻，削平臉頰，整細Ｍ字嘴，仲識勾嘴笑添，即時變成可人兒。

三、直接改頭換臉

而最仆街、最難頂、最唔尊重 Member 的，就係直接改頭換臉，即係 Key 頭，或者成塊「臉皮」貼上去，如果有荷里活級數的、做到完美無暇就算了，最斃就係功力完全未到家，見到呢Ｄ「傑作」真係好攞命囉！

阿守冇呢個天份，亦都冇心情、時間去研究同示範，畀Ｄ例子大家參巧就算！總而言之，有冇 Key 頭，只需要留意「光源」、「膚色」、「雜訊」同埋「邊緣」，唔係太難。而大家每天生活，出出入入都會見到很多「完整的人」，回頭睇返呢Ｄ相，應該一眼就知道有唔妥，請多用 Common Sense 吧！

首先出場的是他，好明顯髮光位已經出賣左佢，再加上臉頰又捽到濛晒，下巴陰影又唔平均，擺明係 Key 頭上去，而且「修邊」卻十分馬虎，搞到佢成隻馬騮精咁。此外，阿守好耐之前在某場合見過佢，當然一睇知Key頭啦！

第二位的執相功力不錯，佢好聰明，識得用白地 Key 相，再無縫「駁頭」，可惜有犯錯就一定留下証據，至少臉孔同身體的膚色已經完全係兩回事，而且大紅圈指出接駁位非常不自然，小紅圈更是退地不夠仔細，又是失敗之作。

幼稚園作品，不知所謂。膚色不對，光源亦不對，最離譜係副黑超假到反艇，另外，個頭邊緣位好多雜訊，擺明係執到飛起，正常相邊緣位點會咁多？簡直係侮辱人類既智慧。

其實呢張相 Key 得幾靚架啦，只係光源出賣左你，明明閃光燈在左邊射向你，呢個影都係幅牆度，你後面又點會有光返轉頭呢？當自己係佛光初現？而且成個頭的邊緣位都有好多雜訊，又係假！事實上，阿守幾年前都叫過佢，佢真人係高大又大隻，只係冇咁大胸，身體又冇咁厚咁解，點解入左魔道呢！

後話：其實以前張張相都係真...

講咁多假野，真係好負面，而且冇對比又點會公平？嗱！呢張就絕對正貨，當年佢南下香港搵食，唔係靠靚仔，而係靠肌肉，不過相就真係貨真價實！真人都係相差不多，八成相似，而且相片放大後想搵破綻同幾粒雜訊都好難。順便講句，以前佢每次落黎，阿守都幫襯佢，近呢兩年都唔見佢，可能退左休都未定，唉！