[蘋果日報] 80裸男 160震波癱瘓中環

80名裸男昨日癱瘓中環，令模、 OL和少女通通陷入瘋狂狀態！原來他們應美國便服品牌來港造勢，向來被宅男圍的模何佩瑜（ Jeana）和許穎（ Phoebe），反被80名六嚿腹肌的裸男團團圍着，她們更趁機抽型男水，飛擒大咬摸胸、錫面又抱抱。

阿守：咁多條仔，咁多對波，咁壯觀既場面，阿守點會放過？當天真係勁多人，地方又少，冇得埋身。不過，能親身近距離望住班猛男，同睇日本GV完全唔同Feel，真係三生有幸！希望A&F在香港開多幾間分店就好啦！


美國便服名牌 Abercrombie & Fitch（ A&F）下周六在中環開舖，昨日號召80名來自美國、英國和西班牙等地的火辣肌肉型男，在街頭宣傳，吸引超過200人圍觀狂影。活動開幕前半小時，已有超過40名少女和師奶排隊等影相，人龍中包括 Boy'z成員 Steven家姐 Jan。

活動一開始，不斷有市民圍觀影相，企滿畢打行門外馬路，其間巴士和私家車繼續穿梭，不斷響按，但沒警員維持秩序，場面驚險，有 OL不以為意說：「咁多裸男，中環梗係停頓啦。」直到45分鐘後才有警員到場，呼籲市民散開。

Phoebe：好濕

六嚿腹肌型男一出現，全場即時尖叫， OL影相時更瘋狂失控，場面混亂，甘國亮第一個迫入人堆和地面的40個裸男合照，影完火速走人；至於模 Jeana、 Phoebe和師妹夏然然等，就留下喪抽水，向裸男摸胸和索吻， Phoebe師妹呂娜就忘形露底。

眾女中，最好艷福要數 Phoebe，她不僅摸男模胸，又被裸男抱起兼錫勻左右面， Phoebe自爆流口水：「個個身材都好正！」為何今日封胸？她狂笑說：「今日有好多對，我個胸只得一對咋。」她又直言好 high：「好少俾咁多靚仔圍住，仲錫咗我兩啖㖭，好濕，好大汗，同啲人擦身而過，覺得好濕呀！」後來 Phoebe在路邊和 fans影相，但被維持秩序的警察用大聲公叫：「請散開！」

Jeana抽水摸胸

Jeana也興奮面紅說：「嚟到都嚇親，冇試過俾40個赤裸上身嘅圍住，好有壓迫感，終於輪到我有壓迫感！」又說：「不過40個加埋都唔及德國體操靚仔阮馬素，又有才華又靚仔，無人能及。」話雖如此， Jeana一樣抽水摸胸，更大呼「好結實」。

問 Jeana其不倒胸和裸男的比較如何？她說：「佢哋係微震胸，我睇到都覺得好正，甘拜下風。」 Alice B.就和裸男最啱傾， Cara G.更帶了患前列腺癌、現已康復的爸爸來開眼界。

靚仔巡遊港九

若錯過了昨日的80裸男陣，不用可惜，這群靚仔今日開始會巡遊全港多個景點，包括灣仔金紫荊廣場及中環置地廣場一帶，其中赤膊出擊的兩條路線圖，一條是由銅鑼灣 Sogo行去時代廣場，一條由廣東道行去海防道，有心追靚仔的市民可以留意。

品牌力 sell靚仔，多年來成功之道，全靠請來著名攝影師 Bruce Weber，拍攝被形容為「 gayscale」（雄風類別）的半裸男廣告，成功令男女通殺。慶祝開店， A&F結集歷年精采廣告成書，推出限量版500本的《 Quarterly》影集，不作公開發售，由 A&F型男速遞上門給 VIP客戶。

小八卦：裸男陣撒手鐧

有百年歷史的 A&F，初時做戶外用品為主，又賣過釣魚工具和獵槍等，多次轉手賣盤。直到97年以年輕火辣肌肉男、青春美女的誘人廣告吸睛，主攻18至22歲年輕人才成功轉型，殺出血路。 A&F逢開新店，必定號召幾十名肌肉男助陣，去年12月新加坡店就出動40裸男，裸男大晒冷已成招牌動作！

小八卦：進軍亞洲市場

海外 A&F店的定價其實比美國本地貴近一倍，但反應依然不錯，而品牌幾年前開始瞄準亞洲市場，全都進駐高檔時裝地段，日本店在銀座、新加坡店開在烏節路，下周六開幕的香港店將是亞洲第四間旗艦店。