上海浴室終於搬啦！

近來好多人 Add 阿守 MSN 同 Google+，好開心可以同大家分享，亦多謝大家的問候，阿守細個時都經歷過唔少網上罵戰，見過風浪，唔係紙紮，一定唔會因為Ｄ無聊人無矢放的同斷章取義而影響心情。

之不過，大家唔洗一見到阿守 Online，就好肉緊咁問有冇師傅介紹，因為要介紹的，阿守會寫在 Blog 上面，冇寫上的師傅，就只有兩個原因：負評或者平平無奇，呢Ｄ唔通阿守會介紹畀你咩？

最多阿守會同你交換心得，提醒你千祈小心Ｄ，不過你都可以倒轉頭，講下你地試過Ｄ咩師傅，仲好啦係咪！既然依家無值得推介的新師傅講，不妨講講骨場最近的新消息吧！



上海浴室終於搬啦！

早前阿守咪講過上海浴室會搬既，現在終於扑鎚啦！今年國慶 10 月 1 日搬，新舖係上環德輔道中 267-275 號龍記大廈 11 樓全層，不過舖名就由上海浴室改做上海沐足。

話時話，想當年上海浴室由尖沙咀搬去天后之前，聽講曾經考慮過搬去佐敦某間大商廈，不過當時商廈開出個條件，就係要刪走「浴室」呢兩隻字，原因可能係呢兩隻字會令人覺得呢度係「黃色事業」場所，間接影響商廈的形象咁喎！當時上海浴室仲有唔少舖位選擇，洗乜理你。

只係，依家呢個市道，基本上業主只會想賣盤，我地呢Ｄ平民百姓真係好難搵到租盤，你知我知梁振英都知。冇所謂，改名就改名啦！我地成班老顧主認得就冇問題！撐你！

雖然阿守唔會在國慶正日上黎（國慶忙住慶祝丫），但之後一定會上多Ｄ黎！


Nature Spa 尖沙咀開場！

又一間骨場 Nature Spa 在尖沙咀開張了，地點係尖沙咀加拿分道 33-35 號發利大廈 2 樓 2 室，阿守上過去，入面裝修真係幾有心思，周圍都有樹丫葉丫咁，成個森林咁，幾特別，值得一讚。

師傅方面，聽講數量剛剛好，主打都係由 Eden Spa 拉走了的三、四個師傅工作，而阿守也遇到老相好前 Eden 師傅 Vic，即以前提過在 Spa Homme 的大隻仔師傅 Metal，現在叫 Aman，呢位大隻仔阿守前前後後破格寫左兩次，今次唔寫了，大家睇路。

另外，聽佢講 Nature Spa 仲有前 Eden 師傅 Kevin 過左黎，有興趣追上來的朋友不妨回味。

新裝修的房間真係幾乾淨企理，又有小擺設，唔覺單調。聽 Counter 講，七間房入面都有浴室，唔洗出去沖咁麻煩。只係房真係細左Ｄ，走動或者玩得癲起上黎，會好倫盡，不過，小事一件。

反而舖頭出面真係大件事，真係認真麻麻，有去過的人一定見到同感受到，門口是一般家庭式細鐵閘就不在話下，而最尷尬的竟然是左右兩邊單位，一邊是劏房單位（門口有幾十對鞋，仲掛住幾條底褲晒太陽...），另一邊就係賓妹邪足（佢行出黎同阿守揮手丫...），同一層樓就有幾間直人的「按摩」，仲係有燈箱那一種....再望上天花板，Ｄ老閉（即閉路電視）四圍亂射.......

阿守都唔敢諗樓上樓下既環境會係點，呢度三教九流的人比較多，行出行入咁，有Ｄ驚驚。

不過！

有叫開鴨的朋友（包括阿守自己）應該都知道，發利大廈附近係夜生活聖地，入黑之後附近都好多鴨同雞四圍走，有陣時約Ｄ鴨出黎見，通常都會在附近，除了因為附近都有好多劏房床位寄居，仲有酒吧、Disco、時鐘等夜店，所以夜晚呢度有好多仔仔，甚至企街，想 [目及] 仔就要黎啦！

唔信？條街有間 M 記，夜晚 11 點後入去坐就知道了！見到三三兩兩著緊身衫的國產男仔出出入入，真係搞到心如鹿撞丫！