「桑拿見工事件」之我見

早前在 Toiletwall 上見到有人話去過某桑拿見工，卻被職員留下姓名和聯絡資料之後，就打發佢扯，好似好冇誠意咁！其實阿守覺得：好正常！職場就係咁啦，份工係 Receptionist，你話歧視都係咁講，年青和出眾的外表真係佔幾重的分數。

由於工作能力冇可能係見工睇得出，所以假設大家都係差唔多，而任何人都鍾意高質素，有靚仔坐門口，客人進出都會開開心心，仲可能會畀到個性幻想Ｄ客，未入場就先興奮！仲可以加唔少印象分。

如果請著個相貌平庸，就算唔趕客（工作而已），卻沒有靚仔的「特殊效果」。你係老細，你想請邊個？

中環麥當勞Ｄ員工，平均都靚過元朗麥當勞員工啦！

現實就係咁殘酷！

尤其以外形行先的 Member 世界更嚴重。

老細見到你唔岩份工既，明知一定唔會請你，唔通仲花 15 分鐘時間查你家宅咩？事實上，呢個做法對雙方都有益處，唔通你覺得你花 15 分鐘就可以令到佢回心轉意？

人地係開舖頭，唔係開善堂丫！

有留意的話，Double、Alexander、Big Top 或者 My Way 的 Receptionist 有Ｄ都幾好樣，阿守唔信佢地未揀過囉！

By the way，肯叫你留 Contact 算人道架啦，Ｎ年前阿守畢業之後 Walkin 去「巴喉士」見工，明明舖面仲貼住張大大既 A3 紙請人，仲列晒成串職位，點知負責人同阿守講已經請晒人，阿守連介紹自己叫咩名都未講，呢Ｄ又算係點呢？

有返咁上下社會經驗都知道，世界上唔會有公平既存在，正如大家係一間公司做野，頂頭上司人工一定高過你，不過工作能力又唔一定比你叻，點解？好多原因，外形、際遇、年資、識得擦鞋等等。

你可以怨，但反對無效。

因此，請平息怒火吧！桑拿佢地請人有佢地既準則，係佢地既事，你嘈都冇用。