[突發] Rainbow 新地址 (追加親身視察感想)

終於開返了！香港唯一熊熊、肥人集中地的Rainbow Sauna終於完成同區搬舖大計，新地址為香港油麻地彌敦道482、482A、484號鴻星大廈1樓，而且已於10月10日投入服務，阿守仲未上過去留低腳毛，暫時都寫唔到Ｄ乜。查詢電話：23856652

15/10/2012更新

終於有時間上去新 Rainbow 睇睇環境啦！無錯，熊熊肥肥返晒黎，而且仲見到有幾個都係高質素熊族（大眼、靚仔、肌肉、留鬚）撐場，然後行左半個鐘，整體感覺：幾失望。

畀錢都係Do八達通，入到去就係 Locker 換衫的地方，亦都係處於成間舖的正中央，南邊入口、北邊沖涼房、西邊黑房、東邊休息室，好似旺角咁四通八達，偏偏地方超細，一個人換衫時，條通道就冇位畀其他人經過，搞到大塞車。

沖涼房裝上 Disco 燈，好迷幻，又有乾濕蒸，水力都夠猛，同一時間有四個人沖身都夠力，不過熱水可能唔夠咁多人用，時凍時熱。

再來就係黑房迷宮，雖然有成差唔多十間房，但迷宮又係好窄，都算啦，較不滿的地方是好多牆身都有尖角突左出黎，行快少少都好易撞親，加返塊軟墊會比較安全。

BTW，由於之前有三層樓成萬呎，搬左之後應該得返二千呎左右，對比真係好強烈，之但係又睇得出老細想保留舊舖的特色，乜都塞晒間新舖度，所以搞到好細好逼。不過阿守覺得，搞 Sauna 重點係 Market 定得好唔好，專做肥熊生意唔會蝕既，反而搬左之後，甩走晒舊店Ｄ虫虫，都已經成功左一半！