Talent 關門了！

今天行經Talent Spa樓下，發現一大堆白色木板、按摩床等東西，堆放在地上，走近Ｄ睇其中一塊門板，先發現原來係屬於Talent既野，抬頭一望，見到入面已被清場，行樓梯上去門口又唔見有貼Notice話大裝修喎！打電話上去又冇人聽，睇黎都係光榮結業。


數下手指，Talent Spa好似都開左六七年，係香港都算係老舖，聽Ｄ姨媽姑姐講，初初開舖個陣，有好多優勢，泰式房又大又靚，仲有獨立浴室，仲有齊Facial晒燈，真係客似雲來，Ｄ師傅做唔停手。

之不過呢一兩年，老細完全冇心做野，五年前咁多野，五年後都係咁多野，冇乜進步過，因此就被其他場追過晒！阿守之前去過兩三次，環境靚就靚，不過條樓梯同埋某Ｄ師傅真係......難忘。

另外，阿守仲知道灣仔Halo Thai Massage、老銅Wonderguy Thai Spa泰仔場都做唔住！而新開一年不到的Nature Spa也因老細Gavin出走而執笠。

唉，香港Ｄ租真係好似坐直昇機咁，一年貴過一年，細舖仔真係點捱丫！