Sauna 設施愈好愈抵去

話說有一晚星期三，天氣悶熱，ＪＪ又唔癢，又想休息舒服一下，就諗住去間好少少既Sauna入去Hea陣，唔想去胡同和Alexander同其他人迫，因此決定去新開不久的尖沙咀大帝同志桑拿，睇中佢始終新開，人流應該冇咁多。

７點幾入到去，人真係唔多，十個都冇，阿守沖完涼就立即坐入個Jacuzzi浸，一個人霸晒真係幾爽。浸完一陣，就去拎杯凍檸茶，再去按摩椅度嘆，一邊睇電視，一邊按摩，咁就消磨了一個鐘，幾正！

無錯，大帝Ｄ環境同設施真係幾正，如果用佢地個新優惠（$298／六次），圍返都係五十蚊入場，玩咁多野真係幾盞！只不過，你地話阿守呢篇係打手就錯了！

大帝始終有個致命傷，就係因為某Ｄ黑暗原因而搞到冇得去gayhk或點心雜誌登廣告做宣傳，搞到冇人識冇人黎，阿守去了３次，遇到既人型物體，加埋都唔夠二十人，你想係度玩摸黑刺激就冇咩可能架啦！

而最適合一Ｄ小情侶約埋入去開波休息之用，心理上唔怕畀人騷擾，又係同志地方，價錢都算實惠既！