按摩、桑拿有Say

呢排冇更新個Blog，好多人都 Send Email 黎關心阿守，多謝先。其實唔係唔想更新，而係真係冇乜野好寫，呢篇暫時就寫住少少按摩同 Sauna 事，下一篇再講其他野。



按摩場冇驚喜

按摩方面，呢幾個月幫襯過四五個「新」師傅，全部都敗興而回囉！

有Ｄ場個Receptionist，話個師傅係新入行，仲係廿幾歲好後生，點知入到房就已經認得係某某場、曾經向阿守開過價的師傅，又按得唔好，仲邊有心情？有Ｄ師傅又真係新入行，９０後，入房按摩傾計就粗口橫飛，講就多過按，大佬丫，你係做緊服務性行業黎架！係邊個就唔講啦，唔倒佢地米。

所以，暫時阿守都冇推介，平時都係搵返Ｄ舊師傅，好似 Eden 的 Daniel 和 Edmond、私按的緣師傅（正骨），之不過幾位好有心的網友 Email 推介幾個師傅，話按得幾好，又好 Happy，大家都可以參考一下。

「我呢排去灣仔 Prince Spa 搵 Ben，力水好夠，按完條腰同頸好舒服。」B先生。因為 Ben 做左好耐架啦。

「Dragonese 我搵左 Mike，佢好斯文，按摩途中冇咩傾計，手勢好好，雙我頸腰唔舒服就按大力Ｄ，最後 Happy Ending 好溫柔，玩得好開心。」都係B先生。梗係啦，Mike 係 Dragonese 頭馬。

「我有次上去 Dora House 搵阿 Don，覺得佢按得幾好，之後都會成日去。」J先生。老師傅按得好，唔洗多講。

「Ju Massage 的 Frankie 真的很好，他十分注意客人的身體健康狀況，更會建議客人如何去改善，下次來香港時一定會再找他。」A先生。成熟大隻佬有市場。

「Daniel in Eden is very good and strong.」T先生。阿守推介嘛！

最後，上環開多一間按摩場，係以前Ｐ記老細孖住某個藝人（都算有名既）借屍還魂的新店，上年其實已經開張，專做腳底按摩同埋油甲，睇個款係想食中環OL的市場，之不過應該係做唔掂，今年就改變策略，男女通殺做按摩，師傅當然男女都有，網上有其他 Comment 話冇 Happy Ending 之餘，仲會同Ｄ女師傅撞口撞面，Well...




Sauna 過氣之我見

至於 Sauna 方面，早排都一個月去幾次，不過每次上到去，相比起上一年，人真係少好多，有陣時，就算唔揀擇都會食白果。同Ｄ朋友傾過，大家有幾個結論。

第一，依家唔興 Sauna 架啦！而係輕輕鬆鬆打開 JackD、Grindr 呢類同志交友 App 搵人開波，有相睇，又可以即時對話，講甜古，真係幾盞。好處係乜年齡層都有，乜種族都有，甚至會遇到Ｄ性工作者賣廣告，約出黎之後，再搵個地方就玩得，真係好方便。

而係好多討論區上面，阿守更見到有唔少人開 Line、Whats App 群組，用作吹雞搞 Party、搞Group Sex 之用，阿守都Join左幾個，佢地係入面都係傾甜野、八卦同志界既傳聞，好 Updated架，不過入面多數都係後生仔，話題都係９０後、００後，有時講Ｄ野真係幾低能。

第二，近年開得太多 Sauna 啦，而每間場都有優惠，又免費又半價，分散晒Ｄ人流，搞到每個場都 Keep 唔住熟客，冇人黎，之後就會更加冇人黎，愈搞愈靜。

旺角的龍頭，胡同跟 Alexander 呢２間 Sauna，阿守有幾次８點幾上到去，數人頭都係三四十人，同以前 Full 晒成百人既盛況真係相差好遠。

再加上見住呢２間 Sauna 平均入場費由百幾蚊，劈到依家（買套票）圍返五十蚊左右，同其他二三線 Sauna 差唔多，就知道連佢地咁出名都要出盡力谷人流，可見情況真係幾嚴峻。

第三，亦都係較禁忌的話題，就係警方打擊毒品得好勁，幾年前同志界的拆家，唔係畀人拉左入荔枝角，就係收山唔撈，開飯四寶幾乎絕跡，就連 Poppers 呢Ｄ催情物品都跌入灰色地帶，想拎貨真係要靠熟人介紹，生臉口？過主啦！

冇左呢Ｄ藥物，就冇得玩持久戰，大大打擊想出黎 Wet 既同志，開波隨時１０分鐘搞掂，玩得唔盡興之餘，更加唔會長時間 Stay 係 Sauna，試問 Sauna 又點會 Full 呢？

當然，阿守同朋友都認為，Sauna 並唔會消失在歷史的洪流之中，正如上個同志世代的公廁玩樂一樣，依家仲有幾個固定漁塘，點都要滿足某Ｄ人既需要，阿守相信，幾年後應該只剩下幾間實力較強的 Sauna，給好此道的同志洩慾。