24小時營業：Jungle Sauna

 

香港人鍾意夜生活，香港Member當然樂此不疲啦！旺角新開的Jungle Sauna最近就把營業時間延長至全天候24小時，咁當然係越夜入場就越平，幾錢就上去網站搵，一般都係幾十蚊。講真，好多人都唔係返朝九晚六，有Ｄ可能係返Shift、有Ｄ可能返日頭、有Ｄ可能返一日放幾日咁，佢地未必趕得切係黃金時段（８－１１）出現在Sauna，通宵營業既Sauna對佢地係幸福的天堂。


通宵營業方便轉場

阿守後生個陣，都成日去Sauna的夜場、早場咁，就算係平日，人數唔少架，有陣時都可能執到支好籌的！而且個陣好興轉場，一晚可以轉兩三個場，反正入場費都係幾十蚊，唔肉赤，仲好鬼開心！

阿守身邊有唔少朋友，依家都會約埋一齊去旺角Sauna玩，之前佢地就先去Big Tip後轉胡同，依家就改左先Jungle後胡同或阿歷山大呢２間一樣係做通宵的「紅場」。

點解要轉場？因為佢地覺得黃金時段的紅場太太太太太太多人，釣到仔都未必有房玩，咁真係好無癮，因此佢地會先去一Ｄ人流正常的Sauna「獵食」，到咁上下時間就轉場，呢個時間Ｄ紅場可能會少人Ｄ，起碼房都冇咁爆啦！遲Ｄ如果Jungle人客多起來，可能就會變成：先XX後Jungle了！


互相安慰寂寞的心

阿守認為，每一個同志，面對這個直人為主導的社會都會感到寂寞，個種唔畀得同事家人知自己有幾Gay、地鐵睇雜誌又唔好意思將視線停留係Ｄ男人身上、行街見到靚仔又唔可以明目張膽咁「目及」、生活上遇到「自己杯茶」又唔可以隨便搭訕，一個人屈住屈住，真係幾寂寞幾痛苦架！

因此，當走入去全部都係自己人既Sauna，隨便「目及」仔、搭訕、睇鹹片，真係一種解放！

如果第二日唔洗返工，好多時真係唔願走，留通宵！

好多24小時Sauna既職員見到大家留守，一到時間就會好似社工咁派「被單」，然後，一條條「人肉」就攤係廳度，就算大家唔識，都會互相倚靠而睡，有咁多寂寞的心陪住，訓都訓得好安詳Ｄ。

點解唔入黑房訓？阿守就覺得黑房係人地開波地方，總可能有Ｄ污糟，大廳會比較乾淨囉！

Anyway，旺角多了一間通宵Sauna，真係Member之福。