[蘋果] 陪跑親嘴 同志無懼出櫃

【本報訊】今日是中西合璧的情人節，周日舉行的渣打馬拉松亦開跑在即，一對90後男同志日前在運動場上備戰，二人做熱身動作，猶如譜寫田徑場上的韻律泳；跑累了，他輕輕拍打他的臀部，示意跑快點；他則替他撥劉海。當一個男人能為另一個男人「洗跑衫、煲靚湯」，更無懼寒冬陪跑，世俗可能還未認同，但在他們眼中，這是愛。

平權路似障礙賽

「用男同志嘅身份拍拖，就好似喺好黑嘅地方跑馬拉松」，港大社會科學二年級生Justino說，今年已第三次參加渣打馬拉松10公里比賽，去年以50分鐘的成績完成賽事，認為愛情道路與長跑一樣，「唔會咁快睇到終點」，必須堅持走到最後。但本港同志平權的路，是比馬拉松更崎嶇的障礙賽，而且前路漆黑，「唔知前面有乜，但係都要繼續向前跑」。

「我會照住你，月亮夜晚會發光」，Justino的戀人Moon回應窩心一句。從事人力資源工作的Moon，是名副其實的「跟得男友」。他為了與心中所愛備戰渣馬，甘願陪跑，「我絕對跟唔到佢步伐，但佢會就番我，為我留步」，認為練跑可以增進感情，又會為男朋友洗衫煮飯，更希望明年渣馬可一同參戰，「好想攜手衝過終點」。

男同志公然打情罵俏的行為，與世俗目光有一定落差，但二人相愛將近一年，敢愛敢認，不躲在衣櫃裏。練跑時，不怕旁人目光，親嘴、牽手和為對方抹汗，毫不忌諱；今日是情人節，Moon亦會為戀人準備驚喜，「好想畀人知，同志同一般人冇乜分別，一樣會洗衫煮飯，都有權慶祝情人節」。

近年同志運動的風氣席捲大專界，Justino曾任學生同志組織 QSA主席，今年與Moon走上街頭，參與同志遊行，爭取同志婚姻。畢業於男拔萃的Justino指，會以言行去展現同志身份，「要數正式出櫃係舊年，但其實一直都冇特別去講。我行出嚟就話咗畀人知（是同志），但生活同異性戀一樣」。