交友APP有感（三）唔係奉旨覆你機

香港人係繁忙既生物，忙返工、忙示威、忙睇戲、忙打機、忙訓教，估計唔會有人能夠時時刻刻咁望住個交友APP，因此如果有Message，未必能夠立即睇到。之但係阿守遇過唔少人唔會咁諗，只係一味話人唔覆Message，乜都話人唔岩。其實，唔覆咪唔覆囉，奉旨牙？


有一次真係幾過份，有個人係交友APP同阿守講：

「Hi」
「Want Fun？呢度有Group，好近你。」
「係唔係度都出下聲，好無禮貌。」

呢三句說話係兩分鐘內Send過黎，大佬丫，依家係你黎求我喎，仲咁既語氣？同埋真係奉旨要「立即」答你？你係我老細牙？雖然我知道你地Group緊，時間＝性慾，但用咁既語氣真係好冇禮貌，令人反感囉！

而重點係，阿守同你三唔識七，都唔知你乜水，無啦啦「Hi」埋黎，點解要應你？

更何況你唔係阿守杯茶，反正當你再問「Want Fun」之後，阿守一定拒絕，應唔應你機結果都係得個吉，咁又何苦呢？

唔應你機已經等同「你唔適合」，醒水少少啦！

交友APP就好似同志Sauna既縮影，入面同樣都有好多仔，搵岩就開波，唔岩既咪唔畀反應囉！千祈唔好死纏爛打，仲鬧人「高豆」、「無禮貌」，因為，其實最冇禮貌個人反而係你。