[3周刊] 雙性戀男藝人證實患愛滋

今期《 3 周刊》條題係講「雙性戀男藝人證實患愛滋」，封面同內文仲搵咗唔少男女藝人做訪問，包括香港幾個出名 Gay 到爆的蔡一傑同埋王喜，仲有偷拍傻吓傻吓嘅容錦昌，不知所謂，完全離題。

無論條題定係內文，其實都係講緊一個代號Ｙ嘅男藝人，話佢雙性戀、獵女無數、高大靚仔、因為爛玩而男女通玩、曾為三色台一線小生、歌影視三棲發展，近年仲北上拍內地電視劇賺人仔，好明顯呢三個 Gay 星完全唔入圍啦，佢地獵女無數？Oh My God！

擺佢地上封面無非都係為搏收視，阿守仲覺得隨時係由於呢個星期度橋鋤書會食白果，所以求其老吹單嚇鬼人嘅新聞囉！仲有，封面咁大條題，入面只得三版，內文得幾百字咁「充實」，而且冇證冇據，連張驗身證明都冇，仲話係「證實」？啲配相仲要係「無黎頭」突然講有藝人致力支持關懷愛滋團體，九唔搭八，大家千祈唔好信呢單野。

不過話時話，如果單野真堅嘅，阿守覺得有幾個係有最大嫌疑：鄭嘉穎，林峰同埋黃宗澤，咦？唔怪之得會訪問埋胡囧囧啦！