豪華裝修 上海浴室

要數現存香港歷史最悠久的骨場，上海浴室當之無愧，同時它亦可算是數一數二裝修最豪的骨場，因此吸引到一大班喜歡按摩的男人，直同攣都通殺。

話說當年

想當年，當上海浴室還是在尖沙咀海防道時，由於阿守唔敢一個人去同志 Sauna 同埋 Gay Bar 呢Ｄ咁危險既地方，所以打第一份工的第一次出糧就去試做全身按摩了，話晒都係一對一，應該好安全。

當年阿守呢個鄉下仔，第一次去上海浴室，見到咁豪華既裝修，即刻知道咩係有錢人既世界，印象中佢係有三層，中間係休息同沖涼既地方，下層係按摩房，至於上層呢？阿守就未試過，因為條樓梯封左，之但係當我沖完涼、坐在中層休息、仲緊張一陣既師傅係點對付我既時候，見到有一個知客帶住兩個類似有錢西人既物體，一邊睇住本相簿，一邊行去上層，我就知道「VIP」係咩意思了。

因為岩岩畢業冇乜錢，當時只去過一次，而且怕生保，好多設施都冇入去試過，只係入房按摩了事，依家諗返起真失策。後來因緣際會，愛上了腳底按摩，就冇再去幫襯了。幾年後，上海浴室搬到天后現址，阿守也轉到港島區工作，反而好多時候都順便過去上海浴室按摩鬆吓。

周全服務

上海浴室現址的格局好傳統，入到去首先有個職員帶你入更衣室換衫，然而用 Locker 鎖好自己Ｄ嘢，轉身就可以去公眾浴室沖涼，以前有個大 Jacuzzi，浸落去幾舒服，可能近年興環保，而 Jacuzzi 太浪費電力同埋食水，所以變身做更衣室。成個場有幾多間房就唔記得了，至少都有 8 間吧？不過張按摩床真係又大又舒服，毛巾都好軟，滿分！

除了一般按摩外，上海浴室仲有擦背、修腳呢Ｄ傳統服務，要預早 Book 定師傅，其實擦背幾岩阿守，因為阿守皮膚好乾，好易出死皮，擦完成個清爽晒。仲有兩間 Sauna 房，一乾一濕，都幾周全。

有錢先可以享受

雖然上海浴室現址在銅鑼灣維園隔離，但其實根本在天后地鐵站出口附近，可說是「偏遠地區」，交通唔就腳，遊客和本地人都不會千里迢迢過去，再加上一堆老師傅退休的退休，過場的過場，聽聞生意已大不如前。上年 10 月左右，甚至傳出業主加租，情況更是雪上加霜，即時反應下唯有加價到 $438。

問心，對於我地呢Ｄ搵得唔多既打工仔黎講，上海浴室收費相對幾貴，90分鐘按摩都要收四舊幾水，如果俾埋 Tips 都幾係嘢，之但係佢裝修夠氣派，夜晚去既仲可以睇晒成個維園，真係幾靚，如果想留耐Ｄ，仲有免費湯水同點心食，算值回票價。

當年按摩事

提起上海浴室，好多人都會話佢地師傅手勢好好，尤其是「華雄」師傅頂瓜瓜，聽聞係又靚仔又好功夫，阿守就未試過，因為想搵佢按摩要提早幾日 Book 定先得，威水到爆，不過最新消息係佢已經收山，傳說已經終結。另外，又聽講上海浴室有個成日傳授「功夫」既老師傅在維園做運動時不幸香左，後繼無人之下，師傅手勢的總體表現大不如前。故此阿守平時都係安安份份搵返平時 Mark 開兩個師傅，以免出事。

咩叫出事？話說某日阿守「訓黎頸」，幫襯開既師傅放假，冇辦法唯有叫 Counter 介紹一個手勢好的師傅，佢入房我已經明言「訓黎頸」，叫佢按多Ｄ條頸，可惜佢一落手，我就自己安慰自己「算啦，條頸痛幾日就冇事架啦！呢個師傅都係幫唔到我架啦！」果然，佢只花了大約 30 分鐘按背面同埋「幾嘢」頸，接住就同我推油，我心諗「算啦，當我黑仔，忍你！」

乜都冇做就拎 Tips

點知佢推推吓，5 分鐘都冇就開始用碌已經硬左既「嘢」黎頂我個頭，本來我以為係意外就冇理佢，點知見我冇反應就仲狼死，擰轉我個頭，將佢碌嘢頂我個口，仆街我即刻 Stop 佢，我話「唔洗啦，你唔洗做埋Ｄ咁既野，我要走！」講真，當年既我仲係青春無敵，有「需要」都唔會黎花幾舊水啦，我要既只係按摩服務。

之後佢就用唔鹹唔淡既廣東話，同我講：「可唔可以俾少少 Tips 呀？」你老味仲問我拎 Tips，我話：「你按成咁，而且未足鐘，你仲問我拎 Tips ？」講完我自己就拎返條毛巾走去沖涼返屋企。我心地好，俾錢個陣冇去投訴，不過從此就唔敢勇於試新嘢了，唉！

電話：2375 3861
地址：香港銅鑼灣道180號百樂商業中心22樓全層（天后地鐵站A1出口）
網站：http://203.86.167.150/ShanghaiOnsen/