Wonder Guy Thai Spa & Massage：搖頭經歷

這間是全港唯一一間打正旗號以外勞泰仔當按摩師的 SPA，再加上 TW 又有好多人試過話掂！之前阿守食 Lunch 之後經過銅鑼灣，心思思就想去試。

神秘環境

一點半時打電話去問負責人，問有沒有正宗泰式按摩，對方以正宗廣東話說有，於是就約了 15 分鐘後上去。上到去，看到店舖其實只是一般家住單位，並非什麼 SPA ，不過只要入面有泰仔就冇問題啦！來到門口，發現鐵閘深鎖，門外更有閉路電視，顯得非常神秘。

按了幾次門鐘後沒人應門，隔離鄰舍都冇黎反應，阿守再次打電話去問，負責人接聽後，叫阿守等一分鐘後再按門鐘一次，話入面可能聽唔到。哇！呢個藉口真係犀利，係人都知道呢間嘢唔揚得，要有Ｄ「保安設施」，阿守其實完全明白，只不過你坦白少少好唔好？

按鐘之後果然有一個一黎就知道係泰仔嘅物體開門，只不過身形比較瘦削，進去後，他招呼阿守到細廳的 sofa 坐，呢個單位一眼睇晒，只有 Counter 連幾個緊閉的房門，幾乎沒有裝修，另外更瞄到好像有幾個頭在房門縫「裝吓裝吓」，即係至少有四五個人類，都叫有返Ｄ人氣冇咁驚。

搖頭泰仔　雞用鴨講

阿守這時開口問：「我預約咗時間上來，請問你哋係做泰式按摩？」泰仔搖頭示意不懂。意料之內。

阿守就轉用英文問他：「Massage ?」他搖頭。那你又招呼阿守入屋？

阿守指著他問：「Counter ?」他搖頭。到底他是否認，還是雞同鴨講？

阿守又問：「Your boss ?」他搖頭。我入黎到依家，佢仲未講一句說話。

阿守再問：「Have Menu ?」他搖頭。他一定是完全不懂英文，又或者啞咗！

於是阿守改變策略：「這裡有人嗎？（國語）」他搖頭。阿守突然覺得自己係一個傻仔囉！如果我識日文就好囉，用日文同泰仔講嘢應該幾有火花！
幸好阿守發現 Counter 台上有一本 Hand-Made 的價目表，於是就打開來看，見到有 Traditional Thai Massage 這項目，於是又打算冒險問「搖頭泰仔」，指著 Menu 內的字，都仲未開口，泰仔已經搖頭。

於是阿守再次打電話給負責人，點知電話原來已經「飛線」返店舖，當時真係企咗係度。冇辦法，阿守孤身一人，呢度又咁神秘，唔撤退唔得。

負責人唔負責任

其實，明眼人都知道呢班泰仔係黑工，要收收埋埋都情有可原，之不過負責人真係好過份，明明約咗時間上黎，單拖上黎之後，竟然連影都冇，電話都突然飛線返公司，係唔係阿守個樣 Man 得滯似差人，驚上黎放蛇？

事後阿守跟其他骨精朋友提起，他們都說沒遇過，一上到去就好好招呼，Ｄ泰仔仲驚喜百出添！仲話阿守個日揀正中午時間去，可能陽氣太盛，撞正負責人迴避都唔奇？不過，經此事之後，阿守都應該唔會再去了！怕幫襯個陣真係有差人上黎！