[蘋果日報] King 蒲基吧被攬

人怕出名豬怕肥，「A&F 柯震東」趙勁皓（King）憑 40 吋雞扒胸上位，佢開始俾人起底，近日網上流出佢蒲基吧相，King 大受同性歡迎，佢仲赤膊搭住翻版顏福偉合照，對方則伸出友誼之手攬實 King 條腰。

阿守：King 係阿守杯茶，不知幾想佢係基佬，朝思暮想佢床上面個表現，不過睇完呢單新聞，第一個反應，同開首一句「人怕出名豬怕肥」一樣。

唔理呢度係唔係基吧，阿守估計 King 做緊 Model 工作，禮貌上同人合照都好正常者。

事實上，好多藝人間唔中都會去基吧，好似 Labs 咁，早年阿守就撞過幾次馬德鐘，係巴比倫亦撞過好幾次林峰（唔係林一峰）啦！基吧對於蒲吧的藝人來說，人少，保密性強（有邊個會話比直人知道去蒲基吧？），相較下係的確比較自由。