51萬 vs 9萬

每一個有親身去遊行既人，必定能夠拍心口講得出，由維園出發既遊行人士唔會得9萬咁少囉！點解香港警察可以眼掙掙講大話？阿守唔知有冇民陣講既51萬，不過由維園行去中環要成7個鐘既，一定有三至四十萬以上囉！


不過，既然都講到51萬，點解唔講大Ｄ，60萬、70萬都好丫，唔好浪費咁多人出黎既汗水。

大家既訴求好單一，就係真普選、還我自由香港、689下台，個Ｄ「各種不同聲音」只係抽水架咋，咩反虐貓團體、法輪功、保釣運動、仲有咩日本侵華賠償咁，完全唔係路！

打緊呢篇Blog個陣（凌晨三點幾），中環亦都清緊場，代表香港的暴政已赤裸裸顯露在人前，不過，唔代表我地唔會捲土重來！

如果聽日689冇一個正面的回覆，黎緊個星期日應該都要再出來多一次，今次，可能真係真真正正既佔中！

如果香港再冇自由既空間，我地同性戀亦都唔會有未來，冇民主，冇平權，永遠都係六等賤民！