圍基告密（七）Home Party

唔知大家有冇留意，香港 Member 為數唔少，理論上每個都需要性慾，就算全港的 Sauna、骨場、公廁等地方全開放，點都容納唔晒咁多人，咁多餘的人究竟去咗邊呢？無錯，呢ｄ隱形 Sex 場所就係阿守今次想講的 Home Party。


Home Party 唔係人人 Join 得

Home Party 唔同 Sauna，冇一個固定地方，亦唔係人人 Join 得。

首先 Home Party 會有個搞手，定期都會搵地方搞 Party，搞手識好多人，當日子決定好，就會四出聯絡，熟客自然一 Call 就到，然後 Friend 搭 Friend，一傳十，十傳百，好似 Facebook 咁，Party 就係咁搞起。

Home Party 細有細搞，大有大搞，細的可以由 3 人至 10 人不等，呢Ｄ亦都可以叫做「Group Sex」或「Group Fun」，大型的至少都有 20 人，阿守就去過 50+ 的，相當壯觀，呢Ｄ先稱得上係「Party」！

事實上，Home Party 大致上都分為兩大類：戴套性交和無套性交（BB：bareback），亦即有否穿上避孕套來進行肛交的 Home Party，而這兩大類中又會再各自細分：高質素和低質素。

舉個例子，搞手Ａ話會搞「高質素ＢＢ」，消息散播去之後，入場要求就係「靚仔大隻」同埋「無套性交」，然後就 Friend 搭 Friend 咁傳出去，由於參加者都不想場內會有低質素的人出現，所以佢地搵 Friend 去都會選擇高質素的，大家可以想象當時全場幾咁令人難忘。


門常開：高質、１仔

以前好多朋友都問過阿守，點先可以 Join 到 Group 或者 Home Party？答案真係話難唔難，話易唔易。首先就要識上 Fridae、Grindr、Chatroom 呢Ｄ地方，主動同人傾多Ｄ計，只要你張相的樣子、身形都唔錯，又或者係１仔，而且條ＪＪ見得人，就會有人自動撩你玩唔玩 Group 或 Party，百無的話就靜英英、拍烏蠅，係咁現實架啦！

因為外面實在有太多太多零仔 Member 了，僧多粥少，所以只要是１仔，就算你唔係大隻、唔係上菜，任何 Group 同 Party 都會打開門歡迎你，另一方面，靚仔、有型、高質素亦都係搶手貨。

唔符合呢Ｄ條件既人，有錢都未必埋到堆！

另外，唔好聽講句，「老零」或者「好撚醜的零」唔好諗點樣 Join 啦，死左條心吧啦！好運的你可以認識差不多 Level 的老公，不好運的，阿守會建議你們直接用錢去叫鴨買「快樂」回來，又或者買一支「假撚」自插過世吧！


Party，梗有一場係左近

阿守自問唔係靚仔大隻高質素，過去十年唔係去好多 Party 同 Group，有好幾次拍門都唔畀入，屌！以前最常去的熱點都係土瓜灣、金鐘、麥當勞道、杏花村（傳聞條仆街有AIDS架！）、西環山市街、愉景灣（Ｄ鬼佬鍾意玩迷姦水），酒店的都有聖地牙歌、地王、Eden Hotel 咁。

有次某搞手突然拉了阿守去聖地牙哥玩，點知上到去見到全場廿幾個幼齒，個個都係又高又瘦，全部光脫脫，有Ｄ在床上搞緊、有Ｄ係廁所沖涼、有Ｄ上緊網、有Ｄ食緊杯麵、仲有Ｄ係索緊野，個搞手明知阿守唔鍾意呢類都仲要叫阿守上去，擺明老屈。阿守當時唔理，立即走人！

不過那時就知道，如果自己唔入圍，你連人地搞幾多次 Party 都唔知道丫！


用毒品追求高層次刺激

一般來說，去親 Home Party 或者 Group Sex 玩，如果係租酒店就只係夾番房錢，去人地屋企都通常唔洗錢，不過搞手都會在場內賣貨，即係毒品、偉哥、Poppers 來賺返Ｄ錢，如果每人都食幾粒，平均一粒一百蚊，一晚都可以賺幾千蚊以上。

由於每次 Home Party 地點都不同，而且都是 Friend 搭 Friend，可說是「鐵竇」，唔怕警察追上門，所以參加者特別覺得有安全感，亦都因為咁，就會肆無忌憚地追求特別快感，利用毒品去追求更高層次的刺激，閒閒地都要玩半日，癲癲地的甚至 12 小時以上，如果溜埋冰，至少 48 小時，藥力才會散。


吸毒失常性玩無套性行為

係大家在 Group 同 Party 吸毒期間，玩到頭 Fing Fing，意識模模糊糊，就會好易做出一些不安全性行為，就算講明場內一定要戴套，都未必真係戴，真係好危險的。

例如，１仔可以用同一個避孕套，插完Ａ之後，費事換套，拿拿聲去插Ｂ、插Ｃ咁，零仔去到那個 Moment 又點會計較？有撚插就已經心滿意足！１仔自己有戴套，洗乜驚丫，Ｄ零仔就陰公囉，搞到乜病物病上晒身，咁就一世！

就算１仔在你面前戴套，臨門一Ｑ就除左，零仔在那時不是「反轉身體狗仔式」，就是「四腳朝天扮晒蟹」，又點會睇到１仔咁大整蠱丫？當年最出名玩ＢＢ唔戴套、而自己又有 AIDS 的人，杏花村就有一個，明知自己有病都唔戴套，呢Ｄ仆街真係等天收。

事實上，政府機關每年公佈的 AIDS 病患者的統計其實係嚴重低估，這是因為很多人玩完ＢＢ後，都唔會、唔敢去做測試，同時佢地都會同 Friend 講自己冇病，因此 Home Party 真係幾危險，


凡事要適可而止

之前講到，玩得 Group 同 Party 的人，乜類型都有，上至教師、律師、醫生、消防員同警察，下至睇場、扯皮條、地盤都有，佢地既共通點都係生活在壓力極大的香港之中，他們需要去尋找方法去發洩同舒緩，有Ｄ人會選擇一個月去一次旅行，有Ｄ會人 Shopping 花錢，而佢地就選擇毒品同性愛，從另一方面來看，真係唔可以怪得晒佢地。

只是，阿守寄語，做每一件事都不要太過火，適可而止就行了。