劉公子：另類觀點

最近跟一個朋友Ｇ食飯吹水，阿守同佢識左好多年，絕對信得過佢，當話題講到劉公子單料，朋友Ｇ竟然講「我識佢，仲同佢好熟，以前成日一齊去 Shopping 飲茶，仲一齊把臂同遊中灣 [目及] 仔添！」


借品牌公司獵仔

朋友Ｇ話：「其實我一早就知道劉公子佢日日都搵仔影相，佢好撚有錢，每日只要返公司簽名 Hea 兩個鐘之後，就出街搵獵物，平均一日都可以搵到三至四條仔。

「佢講野好叻，耍軟功多，佢唔係街邊個Ｄ搵 Model 呃人那一種，因為佢有個優勢，就係手攬唔少男士產品的公司，好似佢以前大陸有間廠整底褲同泳褲，香港又有名牌男士時裝咁，最抵死佢又畀得出卡片喎，上到 Studio 又拎得出成堆產品，你話丫，個Ｄ想貪少少便宜、想爭取工作上位既人而點會唔跟劉公子影相？」


家藏過千萬猛男相

朋友Ｇ話劉公子本身係個好人黎，仲好守承諾，影呢Ｄ相影左十幾二十年，佢都唔會將Ｄ相洩露出去，大家睇下Ｄ周刊雜誌同報紙，件事搞咁耐，一張相都冇丫。

劉公子有個私人黑房，可以自己沖晒相片，影完相之後，會主動打電話畀Ｄ男人，叫佢地收相。因為劉公子講明，無論有冇涉及金錢交易，Ｄ相影完一定畀返本人，不過好多時候Ｄ男人影完相好後悔，連相都唔敢收，劉公子先會「Filing」儲起來。

朋友Ｇ舉了個例子，就係某一天朋友Ｇ孖住劉公子去蘭桂芳行街，見到條大隻靚仔鬼佬，兩條基佬立即搭晒糖，一齊上前兜搭，起勢咁狂讚佢，又 Show 卡片，叫佢上 Studio 影相，仲係免費個隻。

大隻鬼佬可能在酒精影響下，就好爽快咁答應，上 Studio 影相時仲扭晒屎忽，影完相劉公子仲即場沖晒相片，諗住畀返條鬼佬，點知佢酒醒之後，可能後悔了，連相都唔要就著衫走人，留低朋友Ｇ同劉公子你眼望我眼。

呢廿幾年來，朋友Ｇ話劉公子儲儲埋埋，家藏至少過千萬張相，警方手持的六萬張相片，劉公子成日都話想拎返，事實上，對佢來說，濕濕碎啦！大部份相片同菲林，一早已經運去美國那邊收埋好，那不到 1% 的損失對他來說完全不癢不痛。


有錢，洗乜恐嚇勒索？

新聞同埋個Ｄ證人，話劉公子恐嚇同埋勒索佢地，朋友Ｇ講根本就完全「on9」，劉公子咁撚有錢，呢條仔影唔到，佢咪搵第二條囉，佢根本就唔會上心，有錢就得架啦！根本唔洗恐嚇勒索。

朋友Ｇ認為，成件事可能係劉公子曾向Ｄ男人講自己識Ｄ咩電視台大人物，可以介紹佢地走捷徑入娛樂圈，再勸佢地影裸相「睇貨」，點知影完之後冇左呢回事，因此Ｄ男人心有不甘，咪爆佢大獲，否則咁多年好地地點會突然中招？


後記：點解唔同阿守講？

跟朋友Ｇ傾完，阿守問一句：「識你咁耐，做乜唔同我講你識劉公子？」

朋友Ｇ答得好妙：「識你咁耐，你又唔問我識唔識劉公子？」

之前講過的大隻鬼佬例子，由於劉公子話朋友Ｇ都有出力，所以送了幾張給朋友Ｇ留念，阿守都有睇過，哇！正丫！可惜唔畀影相，冇得同大家分甘同味，真係好可惜！