[東方日報] 「鴨嘴獸」涉勒索同志屈雞姦

有多次勒索前科、綽號「鴨嘴獸」的廿六歲男同志盧敏南，今年中出獄不久涉嫌再犯案，與一對網上認識的男同志情侶發生3P性行為後，疑向其中一人示愛不果，要挾對方給他五千元兼贈送化妝品和衣物等，否則報警聲稱被雞姦；又自稱認識有勢力人士，可令事主「家無寧日、傾家蕩產」，事主不甘被屈報警。盧否認一項勒索罪，昨在觀塘法院受審。

肛交後訛稱未夠秤

現報稱廚工的被告盧敏南，去年五月因勒索男同志罪成被判監十個月，他出獄不久後，今年五月六日上網結識本案無業男事主Ｘ（四十二歲）的男友。Ｘ昨出庭供稱，五月十三日其男友邀請被告回家與他進行3P肛交，兩日後，被告向Ｘ示愛，並在Ｘ的友人家再與Ｘ口交及肛交。之後被告不斷要求Ｘ離開男友與他一起，Ｘ只敷衍回應：「順其自然。」

被告於五月十七日致電向Ｘ自稱未夠廿一歲，會報警控告Ｘ及其男友非法肛交，又稱會屈兩人雞姦。Ｘ只知被告在網上報稱廿六歲，並不知他真實年齡，Ｘ感驚慌當晚到元朗警署備案後才到大角咀一茶餐廳與被告吃飯，席間被告自稱認識有勢力人士，指Ｘ玩弄感情要付沉重代價。

兩人離開茶餐廳，被告稱若Ｘ給他五千元兼贈送化妝品及衣物便不追究，Ｘ假裝答應，兩人往商場店舖選購化妝品，Ｘ趁機走出店外報警，被告逃走但遭Ｘ制服，警方在店內拘捕被告。辯方盤問Ｘ則指，X為避開被告苦纏才主動表示可贈送被告現金與禮物，並用警力去阻止被告纏擾，Ｘ對此否認。

案件編號：KTCC 3930/2012


阿守：其實阿守完全唔明白，「鴨嘴獸」無論係樣子同埋名字已經曝光咁多年，有少少留意新聞應該都知道佢係乜水，點解會仲有人不斷會中招？唉！

不過呢單野，阿守都知少少題外話，早幾個月「鴨嘴獸」踩上阿守 MSN，想阿守幫佢一單官司，話佢自己畀兩個賤人玩，要告佢，佢話好驚，聽佢講曾因此事求助於專門協助「哥哥仔」的午夜藍組織，只係因為「鴨嘴獸」唔係哥哥仔而唔受理，依家唔知點算喎！講到七情上面咁，又真係幾可憐！

只係佢真係傻得好徹底，阿守唔係英雄，唔係開善堂，又同你三唔識七，即時拒絕，之後佢就發爛揸話要告阿守搞「色情網站」，又話警察可以查阿守IP Address，唔幫佢就等坐監咁話！

條友連少少網絡常識都唔知就亂UP，之後阿守就答佢「隨便你，999三個字好快Ｄ打啦！」，跟手就Delete埋佢，所以依家Cap唔到段History出黎！

條友唔應該拉去坐監，入青山就差唔多！