[蘋果日報] 真係爆大鑊

前排 FM Homme 泰仔場剛剛出事，個個黑工泰仔已經嚇到面青口唇白，阿守仲話，如果畀傳媒朋友知道就好麻煩，點知轉個頭今日《蘋果日報》真係爆大鑊，講大陸成日有好多鴨仔（強國鵝）來港搵食，仲係 Gayhk 賣廣告，足足有百幾條 Banner，又露胸又露Ｊ，仿如網上人肉超市，更有記者親身放蛇，有相又有片睇，可觀性甚高。

不過，阿守覺得篇報導仲差少少，就係Ｄ鴨仔掛牌的相，十張有九張都假，造假手法層出不窮，呃香港人辛苦錢，之後仲教埋讀者分清真與假就更加全面。

逾百廣告推銷　包括退役軍人大學生　「自由鵝」來港賣淫潮
慈祥老爸　性向突然改變
陽光少年　儲錢開時裝店

單新聞登o左出黎之後，阿守不其然有好多諗法，陰謀論咁講，大陸仔來香港做黑工鴨都已經幾年，點解到依家先會有報紙揭發？

好自然咁諗，實係有人佈串，而佈串則要有動機。

阿守就認為，假設：大陸鴨仔畀人拉晒，直接得益者當然就係本地鴨仔，又或者本地骨場；而另一方面，如果 Gayhk 係因為呢件事而惹上官非，繼而關站的話，咁個Ｄ「亞視台」，好似呢間咁，就會全盤接收晒龐大的鴨仔廣告同埋本地骨場、桑拿等廣告收益，利潤可說是非常巨大而吸引。

如果話有人會貪圖呢Ｄ巨大利益，而去做Ｄ損人利己的事，其實並唔係冇可能既。