圍基告密（四）毛巾陷阱

阿守曾經幫襯過一個由大場轉為私按的按摩師傅 B，同佢傾開計，問佢點解會選用白色毛巾做按摩，而唔用深色毛巾呢？因為阿守覺得深色毛巾應該又靚又耐用，又不易染上污漬。然後，B 師傅告訴阿守一些勁恐怖的事實。


有色毛巾會反轉再用

B 師傅話：「我之前做過幾間場，佢地有Ｄ會托洗衣公司洗毛巾，有磅計同逐條計，一個月下來都要花三至四千蚊左右，其實都幾貴，所以有Ｄ老細為左節省開支，會將用過的毛巾反轉『循環再用』。

由於白色毛巾一眼睇晒，太污糟的冇可能再隱藏得到，所以通常都唔敢咁做。又有顏色的毛巾，則比較容易隱藏污垢，有時候會沾上精液、體液、血液或汗液，在昏暗的環境下實在很難察覺。」

由於手掌係按摩師傅的搵食工具，亦都係最常接觸毛巾的地方， B 師傅自言真係接受唔到，老細又唔理，所以不得不盡快離開。後來 B 師傅自己出來做私按，就堅持一定要用白色毛巾，向客人表示乾淨。

毛巾要靚在於衛生

此外，阿守亦知道有顏色的毛巾要經過多重漂染工序，其化學物質有可能會令部份客人引起皮膚敏感，白色毛巾就少好多呢Ｄ問題。

講真，阿守自己心諗，當身上鋪上一塊有「陳年精」同埋「陳年汗」的毛巾......諗起都覺得核突。

B 師傅教識左阿守，毛巾真正的靚不在顏色，而是衛生。

以後一定會去有白色毛巾的骨場了。