圍基告密（三）一百萬的傳說

還記得以前灣仔區有間 Sauna 開張，叫 Gemini，聽說花了一百萬豪華裝修，又話有 180 度維港海景，又有超大 Jacuzi，浸住個池望個維港海景，包保又靚又嘆。阿守都有去過，只不過成塊落地玻璃畀Ｄ蒸汽濛晒，乜都睇唔到囉！

一年敗晒一百萬

講起呢間 Gemini，只有一年貨仔，其壽命之短，為 Member Sauna 之最。

主因當然係呢間 Sauna 位置好鬼隔涉，出銅鑼灣地鐵站仲要行 15-20 分鐘先到，真係搵鬼去咩！

以客仔心態來看，Sauna 最緊要有人，愈少人就愈冇人去，惡性循環，阿守去過那一次，星期五夜晚八點全場得兩個人，靜英英，嚇死人咩！

除了位置「山卡啦」之外，阿守仲覺得 Gemini 的間格都好有問題，搞到冇乜客，就係大廳竟然大過黑房同迷宮，熱水又唔夠，連咁基本的設施都做唔好，又點可以吸引到Ｄ客呢？

老細唔出糧

阿守身邊有個朋友 T 君，係 Gemini 前員工，佢爆料話自己做左三個月，老細只係出左兩個月糧畀佢，咁其餘一個月糧去左邊呢？

T 君話，Gemini 員工有兩個出入紀錄系統，其一是打卡入電腦，其二就是手寫落簿，佢話見工時有老細同佢講，出糧係計電腦系統的，手寫的只係畀其他員工知道，因此 T 君平時都係返工打卡，手寫的話就有空才填寫。

後來其中一個老細唔認數，話 T 君最後一個月冇手寫填簿，就唔出那一個月糧畀佢，T 君即場鬧鬼佢：「你日日都見到我返工，唔通呢一個月你發雞盲丫？」

Sauna 冇收入冇得出糧

其實 T 君心知肚明，個場根本就冇客冇收入，又點會有錢出糧畀Ｄ員工丫？由於份工冇合約證明，告去小額錢債都晒氣，所以費事追佢數，即刻執野走人。聽講之後每個員工都係做一個月白工，真係冇陰公！

而呢個冇良心老細，就係 Po 字頭骨場老細 Ja 君。有呢Ｄ咁既老細，唔怪得 Gemini 那一百萬豪裝同至少五年基業的 Po 字頭骨場，於短短一年內敗晒係佢手上了。