同志桑拿一覽

香港同志桑拿愈開愈多，現存的就已經有十八間，其中十一間就設在九龍區，七間在港島區，各有特色和客源，阿守自問冇去齊咁多間，因此就同一個「桑拿精」R 君一齊整理，畀大家一個參巧。

排序以地點決定，九龍區由北向南，港島區由西至東，方便大家尋找。唔講入場費，因為好浮動，又多優惠，幾十蚊、一百蚊、百幾蚊都有，唔清楚的話，去之前打電話去問幾錢入場，又或者大家帶定二百蚊，一定有找！


＝九龍區＝

Colony Sauna（78分）
地址：九龍太子太子道西 177 號 2 樓
電話：3486 1342
評分：裝修（4.5/5）設施（4/5）服務（4/5）衛生（5/5）人流（2/5）＝19.5/25

浪漫殖民地
裝修很花心思，樓底高，寬敞又舒服，氣氛很和諧，可以很 Hea 地睇雜誌和聽音樂，較特別的是音樂並非 Disco 般激烈，而是很有浪漫情調，照顧較「紳士」的客人。整個場的間隔分為大廳和黑房區，兩者的中間相隔一條小橋，把很舒服的大廳和 Happy 的地方分成兩個截然不同的世界。此外，它有按摩池浸，乾淨舒服。可能是地點並非旺區，人流較少，卻更適合喜歡寧靜的 Member 吧。



Club Houzz（64分）
地址：旺角廣東道1125-1127號廣建中心4樓
電話：3484 2770
評分：裝修（4/5）設施（3/5）服務（3/5）衛生（5/5）人流（1/5）＝16/25

高樓底舒服
環境幾好幾乾淨，裝修和設施都有心思，例如冬天有電熱板在地上，非常貼心！由於舖位在工廠大廈內，所以樓底很高，進去後令人感到舒服。只是，地點很偏僻，跟 Big Top 對面馬路，人流並不會多。再者，試想一下，夜媽媽走入去一座工廠大廈，跟商住大廈相比，阿守感覺相差很遠，甚至乎有「實Ｑ」守住下面，真係好尷尬呢！



Big Top Gym & Sauna（76分）
地址：九龍旺角道 17-19 號月圓大廈 3 字樓
電話：2628 6196
評分：裝修（4/5）設施（4/5）服務（5/5）衛生（4/5）人流（2/5）＝19/25

優惠專吸大隻仔
走大隻仔路線，吸引力不會太差，不過地點較偏僻，真係好唔方便，因此人流不及同樣是走大隻仔路線的 Double。不過，阿守特別欣賞它的優惠攻勢，雖然來來去去價錢只係有少少變動，但畀錢時都只係五、六十蚊，都算是超值！新的裝修始終唔差，不過間隔設計真係幾有問題，竟然有好多掘頭路同埋角位，而且都幾窄，唔方便「Search」，真係要搞搞佢。



Double Sauna（80分）
地址：九龍旺角亞皆老街 24-26 號東方大廈 8 樓
電話：2396 9595
評分：裝修（4/5）設施（4/5）服務（4/5）衛生（3/5）人流（5/5）＝20/25

揀客維持高質素
好出名，出名「揀客」！阿守有陣時上去收半價，不過有陣時又正價，有個靚仔朋友更收佢 $198，真係唔知咩準則。裝修就成間 Disco 咁，擺明係「砌場」，個個都係狂野型、戰鬥格咁。人流多，主攻大隻仔，有時真係多到連 Locker 位都塞到爆。設施還好，沖涼房亦算大，難得是有晒燈機，24 小時營業。不過要有心理準備，入面Ｄ客都好「大支野」，隨時請你食檸檬，但其實自己又唔係好標青喎！真係唔明白！



Alexander 24（82分）
地址：九龍旺角新填地街 404 號永昌大廈 1 樓
電話：2148 0400
評分：裝修（5/5）設施（5/5）服務（2/5）衛生（4/5）人流（4.5/5）＝20.5/25

國際化＋最企理
好多人，好國際化，咩人種都有，包住個頭又有，大住個肚腩既又有，有頭住家個Ｄ又有。設施好完善，有個大按摩池畀你浸浴，又有大濕蒸房、大乾蒸房、晒燈機咁，汽水咖啡任飲，仲有少少食物供應。最緊要係成個場都乾淨企理，因為上到 Sauna 之後，唔一定時時刻刻話要開波，總需要時間同埋地方休息、Hea，亦都唔會話企係度冇野做就要走，這是它的最大優勢。24 小時開放，夜媽媽尻癢癢上去都得。問題係問 Counter 拎毛巾時，個職員黑晒口面，真係扣晒分。



Hunter Sauna（80分）
地址：九龍旺角彌敦道 577 號高氏大樓 10 樓
電話：2138 8678
評分：裝修（4/5）設施（4.5/5）服務（3/5）衛生（4.5/5）人流（4/5）＝20/25

年青神秘樂園
裝修後，成個場變得更神秘了，因為多空間釣魚，又多窿捐，又多 Corner 位，再加上黑房數量多了，總體來說都幾刺激，比之前好很多！較特別的設施是有晒燈機，而且新裝修，整個場都比之前乾淨企理得多。人流亦多，主要是年青幼齒，十幾二十歲都有，一條條鋼條周圍走咁，喜歡呢類口味的都不妨幫襯。



Rainbow（44分）
地址：九龍油麻地廟街46-54號賢昆商業大廈14樓
電話：2385 6652
評分：裝修（1/5）設施（2/5）服務（3/5）衛生（1/5）人流（4/5）＝11/25

熊熊集中地
Rainbow 是彩虹，亦即「採熊」的意思，也就是肥熊集中地，24小時營業。超大地方，而且佔地三層，有 Private Room 開波，亦有 Open Area 玩 Group Sex。可能係開業很久的關係，裝修和設施都變得殘舊，沖涼的花晒好似就快爛咁，不過勝在水壓好夠！Rainbow 真的是歷史悠久，亦都好出名，算是香港的標誌（Member）。近年聽說房內有好多「蟲」，又吸血又咬到人一撻撻，唔知真定假，阿守就未見過。



KK Fitness Club（60分）
地址：九龍佐敦佐敦道19-21號福樂大廈16/F頂樓A座
電話：2388 3931
評分：裝修（3/5）設施（3/5）服務（3/5）衛生（1/5）人流（5/5）＝15/25

中佬俱樂部
雖然係叫 Fitness，但唔係做 Gym 的地方，而係 Sauna，更加係屬中老年人聚集的地方。就算上到去見到後生的，佢地都係鍾意熟男。地方好大，好似個大家庭咁，大廳有個大 Sofa 和大餐台，又有電視，可以唱卡拉ＯＫ和粵曲，甚至可以開四方城，成個俱樂部咁，都係畀Ｄ中老年人去消遣多。當然都有黑房啦！人流不少！



ABC（72分）
地址：尖沙咀彌敦道72號昌興大廈601室
電話：2301 4500
評分：裝修（5/5）設施（5/5）服務（1/5）衛生（4/5）人流（3/5）＝18/25

七年靚裝持久未變
歷經七年，Jungle 摺埋後仍屹立不倒，因此裝修仍停留在七年前的風格，不過，仍看得出當年的裝修肯花錢，做得很細緻，很花心思。人流算ＯＫ，總不會搵唔到食，人種亦國際化，不過一到夜晚8點後，基本上可以收得工！向 Reception 拎一條毛巾都很負氣，扣分了！



Galaxy 銀河（52分）
地址：九龍尖沙咀彌敦道81號喜利大廈5樓F室
電話：2366 0629、2366 4382
評分：裝修（1/5）設施（4/5）服務（2/5）衛生（1/5）人流（5/5）＝13/25

尖咀老人場
人流很多，主要是中老年人和肥的客人，大廳有個 Sofa 和餐台，又有電視，都可以一起唱卡拉ＯＫ和粵曲，甚至可以開四方城，成個俱樂部咁，黑房亦比較多。由於處於尖沙咀區，交通方便，所以人種會比較國際化，紅黃白黑都有，大家以性會友，都是樂事。



Ni-chome 二丁目（68分）
地址：九龍尖沙咀海防道51-52號百萬龍大廈8樓
電話：2723 1881
評分：裝修（4/5）設施（2/5）服務（4/5）衛生（3/5）人流（4/5）＝17/25

速食快餐店
優點是，你想玩的話，通常都有得玩。Ｄ人去到都係冇乜所謂，你鍾意就可以砌，很隨意很 Nice，因為大家上到去都為了性和出火，就唔會好會選美咁，左揀右揀，果然大家都係尖沙咀的「OL」，知道咩叫「效率」。地方算大，設施一般，水壓亦不高，人種都係乜都有，因為尖沙咀係遊客區嘛！



＝港島區＝



Follow Me（20分）
地址：香港中環奧卑利街 9 號地下 B 鋪
電話：2810 0144
評分：裝修（1/5）設施（1/5）服務（1/5）衛生（1/5）人流（1/5）＝5/25

完全快餐便當
地方偏遠，交通不算方便，辛辛苦苦爬上去，搵唔到食就要慘了！舖內就算有兩層樓，地方卻仍然很細，沒釣魚位和神秘感，裝修很有日本 Sauna 感覺，入到去擺明就砌，基本設施都做得很簡陋，就算收費要六七十蚊，都卻不算抵，反而未頂手前那一間比較好，九曲十三彎的間隔突出神秘感，又專收大隻仔，宗旨很好，當年名氣甚高。



Central Escalator（48分）
地址：香港中環閣麟街37-43號祥興商業大廈2樓
電話：25819951
評分：裝修（2/5）設施（2/5）服務（3/5）衛生（2/5）人流（3/5）＝12/25

外國人士聚集點
呢間都有返咁上下歷史，開業多年，因此裝修和設施都較舊。由於地處中環，所以外藉人士比較多，而主要也是熟男，人流也是意外的多，以中環來說是非常好。反而外藉的後生仔就未多見，可能係寧願去附近的酒吧識人仲好。



My Way（76分）
地址：香港灣仔軒尼詩道 340 號國華大樓 4樓
電話：3119 4148
評分：裝修（4/5）設施（4/5）服務（3/5）衛生（4/5）人流（4/5）＝19/25

設施齊全又嘆得舒服
港島區面積最大，又新淨，名氣亦最大，設施又齊全，乾蒸濕蒸上網電視水機咖啡乜都有，星期六開 24 小時，過夜都有娛樂享受，不用屈在黑房孤獨過世。人流多，亦係港島區 Sauna 之最，咩人種都有，年輕成熟都會見到。



Gateway（56分）
地址：香港灣仔譚臣道 114 號廣亞大廈 1 樓
電話：25910050
評分：裝修（4/5）設施（4/5）服務（1/5）衛生（4/5）人流（1/5）＝14/25

場地設施足夠有餘
設施很好，乃其集團的一貫宗旨，有張名牌子的按摩椅畀人坐，有咖啡汽水，又有生果食，每樣細節都做得很好。前身叫 AE，頂手後才轉名。可能係個場較細，沒有 24 小時，附近又多強勁對手，夜市始終不及九龍好，人流不算多。



QQ Fitness（28分）
地址：香港灣仔巴路士街14號京都大廈3樓
電話：25277073, 28340554
評分：裝修（1/5）設施（1/5）服務（3/5）衛生（1/5）人流（1/5）＝7/25

好有家庭 Feel
呢間就歷史悠久，因此累積下來吸引到多中老年熟客。好家庭式作業，好溫暖，老細又好友善，例如七點幾時，老細就會話「喂！食飯啦！一齊叫外賣啦！」叫完之後就會圍住一張台度食，一齊傾計，開開心心。搞笑的是在迷宮內行行下，會突然見到張電腦台丫、風扇丫咁，好似做回收咁。地方不算大，裝修又較舊，真的需要整一整。



Action（48分）
地址：香港銅鑼灣軒尼詩道 417-421 號海外大廈 1 樓
電話：2893 7027
評分：裝修（3/5）設施（4/5）服務（1/5）衛生（3/5）人流（1/5）＝12/25

竹門對竹門
裝修設施在集團注資下，至少都有個「基本」，環境舒服，地方也夠 Hea。人流不多，算是集團中最少人的，人也比較「騎呢」，你明白的，如果想竹門對竹門，不妨進去碰運氣。另外，可能係老細要求員工，不要經常給客人毛巾，就算畀都係要黑面，不過真係好反感！



Chaps（72分）
地址：香港北角明園西街 15 號地下
電話：25709339
評分：裝修（4/5）設施（4/5）服務（4/5）衛生（4/5）人流（2/5）＝18/25

歐陸式的浪漫
擁有兩層的它，裝修很有歐陸式，白柱雕花四處都見，又有個假火爐，最特別的是有條樓梯「轉」落去地牢，而下層仲有個按摩池，再配合古典的音樂，令到整件事都變得相當浪漫。適合一Ｄ冇咁狂野、鍾意慢慢來的客人。人流不算多，斯文白領帥哥很多。