Spa Homme初探

最近 Spa Homme 的廣告夠吸引，有個健身教練 Metal 做按摩，本身愛大隻仔的阿守就去試試了。第一次去 Spa Homme，環境比想像中乾淨和簡潔，入去同 Counter 講要 Metal 教練做按摩之後，前台就叫阿守去更衣室換衫沖涼，這是因為店內的房間都沒有獨立浴室，不過阿守唔介意，小事而已！只是更衣室的 Locker 比較細，冬天的話應該很難放入厚褸。


入房後，教練師傅前後腳入來，一看之外果然操得勁有線條，雖然唔係食奶粉的一舊舊，而係純天然，但胸肌和腹肌都好明顯！個子不高，也其貌不揚，不過單眼皮令他變得較可愛。（註：全都是阿守的個人感覺。）

按摩技術普通，應該是新學不久，可是做足時間，有板有眼，推油方面就很好很舒服，內容係乜就唔講啦，始終呢Ｄ係阿守同教練之間的秘密。特別要提就係原來教練都幾好傾，想傾心事、吹水都可以搵佢，推介！Spa Homme 同樣大隻的也有新到的 Leo 和 Kenny，阿守有過一面緣，個子夠厚，另外聽其他巴打提過，仲有一個師傅叫阿 Will，後生靚仔之餘，仲有一手好骨，搵日真係要幫襯下。

整體來說，Spa Homme 的裝修簡潔過頭，反變得空洞寒酸！而且電視大廳設在按摩房間和浴室的必經之路，如果有人坐在廳中，對出入房間時光溜溜的客人就一覽無遺，客人就變成「GO GO Boy」俾人任睇囉！師傅方面就偏向後生年青，手勢方面唔好期望太高，相信有很多都是一年經驗以內，不過喜歡「湊靚仔」的不妨一試。