去完 Big Top 一肚火

話說早排旺角開了一間叫 Big Top 的 Sauna，又講到兩舊同六舊可以 VIP 入場，諗住儲一班肌肉客，鍾意大隻仔的阿守心思思好耐，想入去見識見識。

咁岩有一晚做完野，仲記得個陣只係十一點幾，阿守以前有玩開，都知道呢Ｄ時間人流仲未散晒，就決定去 Big Top 啦！

點知上到去，畀埋錢入去之後，發現燈火通明，阿守心諗，開住燈做Gym同做愛，都幾特別喎！

然後 Counter 哥哥突然將全場的燈熄晒，音樂仲突然響起。

阿守睇見呢個情況就心知不妙，立即仆入沖涼房同黑房望望，果然，全場只得阿守同埋 Counter 哥哥囉！

阿守心諗：「算！新場可能會少Ｄ人，等下冇壞，仲可以有時間四圍參觀。」

行個白鴿轉之後，已約略知道環境。

門口係「地盤」裝修緊，入少少係 Locker 位同做 Gym 位，入去左邊就係沖涼、蒸房，右邊就係黑房同迷宮。面積應該同 Double 差唔多，不過間格就怪怪地，好多角位易撞親。

約十分鐘行完，阿守再諗：「睇怕都食白果，都要準備轉場了！」

剛好 Counter 哥哥入黎問阿守：「請問你係唔係過夜丫？」

阿守話唔係。Counter 哥哥就話：「呢度 12 點要清潔架啦，所以通知你先。」

即係代表阿守入黎十幾分鐘就要被趕走？點解唔係入場前同阿守講？

阿守當然無乜野講，立即執野換衫走！

因為覺得完全被騙了！

你個場冇人就算了，阿守可以睇住四仔等；乾濕蒸房清潔中，都算，阿守可以用花晒沖涼。

最唔憤氣的是，全場清潔呢Ｄ大工程肯定唔係臨時決定，而係一早已經計劃好，咁點解要收完錢之後先話畀阿守知？

講真，依家旺角區的 Sauna 愈開愈多，阿守鍾意大隻肌肉型，唔去 Big Top 都仲有好多選擇，Hunter 的幼齒場唔講，出名的 Double 同 Alexander 都有唔少大隻仔，新場 Club Houzz 同埋靚場 Colony 都仲有探索既空間。

明明仲爭少少時間就落閘清潔、明明個場已經鬼影都冇隻，點解仲要放人入去呢？就係想多賺阿守個幾十蚊？

阿守以前去 Double 去 Alexander，如果遇上全場清潔，Counter 都會提醒叫阿守預時間。
呢Ｄ咪叫尊重客人囉！

而唔會為了幾十蚊而去欺騙客人！

要知道，做生意最重要係口碑，冇口碑又點會有客去你度？

一個人要唱衰一間公司係好容易既事。

Big Top 呢Ｄ生意手法，再加上舖位都幾偏僻，阿守個人認為唔會做得長囉！