圍基告密（二）Sauna Take 野係潮流

話 Sauna 入面群魔亂舞，日日都大亂鬥咁，其實都唔算係誇大。最近阿守識到一班「姨媽姑姐」老前輩，同佢地摸酒杯底實在聽到唔少野。

做愛靠毒品

係人都知道，絕大部份的男人都係鹹濕，咁好自然，男同志的世界就係色慾都市，有性先至有愛，冇性就唔會 Keep 得長久，可悲，卻現實。

因此，當兩個男人鹹鹹濕濕做愛的時候，個個都想有好表現，１仔條Ｊ要又長又硬又持久，０仔個窿要耐插，仲要長期保持住興奮狀態，用淫叫聲助興。

講真，正常人有幾多個得？因此好多 Member 都靠藥物去 Keep 住個狀態。

藥物有好多種，十年前就興玩 Poppers、來佬貨Ｅ仔同偉哥，五年前轉玩本地Ｅ仔溝偉哥，而在新興  Member 的圈子內，已經去到個個都要溜「冰」了。

因此，Member 世界就係性慾世界，而性亦都充斥著毒品。

Sauna 多奇人異士

據阿守所知，依家去親 Sauna 玩的 Member，十個入面至少有四個都會食藥，就連一些 Sauna 老細都食住玩，下面班客仲唔「無皇管」咩？

如果大家去到 Sauna，就可以見識呢班食晒藥、上晒車的 Member，例如會見到有人用條索帶綁住自己碌扯緊旗的Ｊ四圍走，瞳孔放大，呆呆滯滯，任搞唔嬲咁；又或者會遇到同「對手」搞到興烚烚時，突然彈起身鬧你仆街杏加橙，然後一支箭就走左；甚至有人可以做愛的時候，同時又眼淚鼻涕一齊流，再喊晒口咁狂叫。

更嚴重的是，一路做愛，Ｄ屎屎尿尿就一路流，臭撚死人咩！

阿守估計佢地自己做緊乜都唔知，完完全全扭曲了性愛的目的，毒品真係為禍不淺。

毒品係好很貴

據姨媽姑姐講，現在去一次溜冰要成千蚊；飲咖啡要七百五；食一粒糖就要百零蚊；就連偉仔Ｖ都要一百蚊左右，日日食日日玩的話，試問普通打工仔點負擔得到？

因此，阿守絕對唔贊成大家去吸毒。

如果係為了做愛助興而食一Ｄ簡單少少的，都情有可原。之不過，如果係為了食而食，心態已經完全唔同，咁樣只會愈食愈多，愈食愈勁，最後就會變成病態道友，冇得救，冇得原諒。

慎之。