男男肛交合法年齡：仲係 21 歲

最近同幾個 Member 朋友吹水，發現佢地一直以為男性肛交合化法年齡已經變做 18 歲，原因係之前有單官司，Member 個邊打贏囉！阿守即刻同佢地講，打贏官司唔不代表肛交合化年齡已經更改。

截止現時為止，根據香港法例第 200 章《刑事罪行條例》第 118C 條：由 21 歲以下男子作出或與21歲以下男子作出同性肛交，任何男子 (a) 與年齡在 21 歲以下的男子作出肛交；或 (b) 年齡在 21 歲以下，而與另一名男子作出肛交，即屬犯罪，一經循公訴程序定罪，可處終身監禁。>律政司網站<

即係，條法例係完全未改過！

點解會有咁大嘅誤會？首先要搞清楚單官司先，件案就咁既：

兩名 19 及 33 歲男子於 2004 年 4 月，被發現在荃灣一輛私家車內，進行肛交。荃灣裁判法院撤銷兩名男子公眾地方肛交控罪，裁判官指出，有關控罪只針對男同性戀者，違反基本法及人權法。兩人被控「男與男於非私人地方進行肛交」，辯方申請終止聆訊。裁判官嘉理士指出，有關刑事罪行條例針對男同性戀者的肛交罪行，有歧視成分，只是針對男同性戀者，違反基本法及人權法，故同意撤銷控罪。


其實，警察內部對男男肛交都採取比較寬鬆的態度，只不過呢單 Case 玩「車震」上報已經揚晒，為咗唔想搞大件事，警方先會 Charge 呢條「男與男於非私人地方進行肛交」又輕又易打甩既罪，Main Point 係在「公眾地方」搞男男肛交，就好似男女不可以當街肛交一樣，而唔係「跟 21 歲以下男子肛交」。前者最多罰五年，後者就終身監禁，差天共地。


呢單 Case 最後之可以打得甩，係因為控方被指「歧視同性戀的性交行為」，有違基本法及人權法，所以先輸場官司，而唔係政府已經同意「跟 21 歲以下男子作出同性肛交」合法化，明唔明？警察根本擺明放事主一馬，只不過係當年傳媒加上同志團體鼓吹，先搞到咁大事，而大家又知啲唔知啲，以訛傳訛囉！

補充一句，無論19 及 33 歲男子雙方係唔係自願都好，兩個都係已經犯咗法，警察如果揸正黎做，兩個都會有罪，唔好以為只係 33 歲先有罪。小朋友，以後要小心啲啦！