沈船

阿守相信，每個同志都渴望搵到一個陪過世的伴侶，只係同志界識人比較難，阿守身邊有好多人就選擇去同志歡場找伴侶，佢地希望除了有性之外，仲想搵到愛，不過，好易搭「沈船」。



沈船，一個風月討論區流行的術語，是和性工作者發生了真感情的意思，不過一般沈船的後果非常悲慘，絕大部份的情況，相關人士最後只會落得人財兩空的結局。

以下就係阿守有個朋友既朋友Ｋ先生，他最近的遭遇希望大家引以為鑑。


Ｋ先生係中產，三十幾歲人有樓有車，手頭上都有幾十萬現金，仲係單身，未識到老公，因此成日都飛去泰國玩仔，係香港見悶都會叫鴨玩，生活都過得ＯＫ。

一年前，Ｋ先生曾經叫隻大陸鴨，叫Ａ級鴨，身材樣子ＪＪ都好好，第一次去酒店畀三千蚊玩三、四個鐘，Ｋ先生食得好飽好滿意，之後Ａ級鴨每次落香港都會被Ｋ先生叫去酒店玩，就係咁大家就Keep住玩至少大半年。

有晚，Ｋ先生突然性飢渴，見到Ａ級鴨落到香港，就急召佢直接去佢屋企慰藉下佢，上床個陣Ａ級鴨已經除晒衫，Ｋ先生興恰恰，Ａ級鴨突然向Ｋ先生講：「其實今日我出左兩次啦，好累，不如下次先？」

由於Ｋ先生對Ａ級鴨都好迷戀，所以迷迷糊糊應承佢，只係Ｋ先生已經箭在弦上，不得不發，唯有拎Ｄ假撚出來，畀Ａ級鴨插佢。

雖然係爭Ｄ，但Ｋ先生唔介意。


有一天，Ａ級鴨「亞洲巡迴」到新加坡時，突然ＩＤＤ打畀Ｋ先生，同佢講：「我唔見左銀包丫，冇晒Ｄ錢，你快Ｄ匯返二千蚊港幣畀我。」一Ｄ求人既語氣都冇，多謝都無聲！

迷戀中的Ｋ先生真係即日就匯錢過去，仲好好心咁打畀Ａ級鴨問候佢，教佢在新加坡補領證件云云。事後Ｋ先生回想，那時Ａ級鴨的語氣非常Hea，完全不上心，就好像根本完全沒發生過任何事一樣。

最後，Ａ級鴨當然冇還錢啦！



雖然冇還錢，但Ｋ先生依然繼續搵Ａ級鴨返屋企玩，仲複製一條屋企鎖匙畀佢，得閒上黎坐，直頭想娶佢過門，當佢係自己老公。某一次，Ｋ先生同Ａ級鴨講，佢要出Trip新加坡做野，順口問問Ａ級鴨是否在當地。

Ａ級鴨話自己在香港。

本來都相安無事。

點知Ｋ先生出完Trip回家之後，發現自己屋企唔見左個價值幾萬蚊既名牌袋，Ｋ先生諗黎諗去，屋企鎖匙只有阿媽同Ａ級鴨先生，咁佢就立即打電話畀Ａ級鴨問。

Ａ級鴨大方承認自己「借」名牌袋，幾日後會親身回去歸還。咁當然幾日之後連影都冇啦！Ａ級鴨甚至連Ｋ先生的電話都唔再聽。

去到呢個Moment，Ｋ先生終於醒覺，原來佢早就已經沈船了！


就在當天，Ｋ先生直接踩上佐敦華豐（好多大陸鴨都係度租地方暫住），諗住逐間房搵，岩岩到達就見到Ａ級鴨準備出門，原來佢係準備返大陸。

被人當場捉到，Ａ級鴨死撐話想再借多幾日，哇！畀你拎返大陸仲有得剩？依家唔係錢銀問題，而係自己畀人當老襯咁，條氣唔順！

Ｋ先生就鬧Ａ級鴨「仲唔還袋就報警」，Ａ級鴨先好唔情願咁掉返畀佢，仲要呃Ｋ先生屋企鎖匙已經唔見，搞到Ｋ先生回家後即刻換門鎖，從此不相往來。

以上係真人真事，阿守唔敢話沈船冇成功例子，唔敢講歡場真係冇真愛，不過Bingo機率真係低中之低。今次Ｋ先生好在損失唔多，不過佢之後都話怕怕，過去一年真係完全唔知點解咁迷佢，依家就算叫鴨都唔敢返自己屋企，同埋唔會放真感情，容乜易渣都冇。

大家要清楚知道，沈船同包仔真係冇乜分別，如果自己冇返咁上下富貴，冇樓冇Cash既話，又點可能得到歡場中人的青睞？點可以養多個人？

就算有錢，你敢保證，你得到佢個人，你真係可以得到佢個心？

請控制自己，唔上船，就唔會沈船。