假相鑑定速成班：腹肌篇

假相之中，以六舊腹肌最難辨認，因為好多相都係「原有腹肌再加工」，唔算係假得晒，內文會詳細解釋，之不過，假的腹肌卻可以荒謬到無倫，由換皮、畫皮、到假坑紋都有，強國人民的創意同厚臉皮程度真係唔到你唔服。

以下四點就係阿守歸納出假腹肌的手法，希望有助一眾「腹肌控」的朋友明辨是非。


一、打燈激凸

事實上，唔排除有鴨仔真係絕地練成六舊腹肌，佢地影相前都會做大量 Sit Up，操返Ｄ腹肌明顯少少，再「查」太陽油，然後影相時用閃光燈從上而下影，腹肌自然明顯好多，不過真人除衫之後，只會見到少少，甚至冇。雖然呢Ｄ唔係假，但都有少少造作成份。


二、加深坑紋

呢Ｄ有六舊腹肌的鴨仔，可能有執相佬嫌腹肌唔夠明顯，所以就用 Photoshop 推高對比度，令到Ｄ坑紋更深更突出，營造出更健壯效果，而好明顯佢地唔知道「畫蛇添足」呢個四字成語點解囉！

以下圖為例，左邊係原相，而右邊就係阿守集中部位推高對比度，係唔係明顯好多、起晒角咁呢？當然啦，阿守仍然有少少美感，唔會太過火，膚色會比較一致，唔會搞到大家冇 Mood 既。

三、移花接木

真正有腹肌的鴨仔，市面上少之有少，絕大部份都係平平無奇，嚴重的更是大肥佬一名，因此執相佬都會將其他有腹肌的男人，成舊腹肌移過去，醒目少少的就會再調整膚色，或者整濛邊緣位，搞到好疑幻似真咁，之不過好多時手功太馬虎，穿晒崩。

人體肌肉結構係一條接一條，唔會突然間冒出黎，就好似紅圈咁，明顯的腹肌隔離又點會冇其他肌肉支撐呢？至少唔會平滑到咁囉！另外，阿守揀呢張相既原因係佢打斜企，而腹肌一定會變形，點知那六件郁都唔郁，仲排排坐一齊跟住打斜，阿守只係見到古天樂打 Botox 打到變蠟像人，估唔到依家仲有蠟像腹肌。

講真個句，相中鴨仔（如果是真人）其實係靚仔一名，眉清目秀，一定有客，點解要做Ｄ咁既野趕客呢？




四、噴槍上色

而最嚇死人、見到都啞口無言的就係用噴槍上色，阿守以為Ｄ搞 Design 既人先會用噴槍，將件藝術品整到鬼火咁靚，原來腹肌都可以咁做，求其畫兩條橫線同一條直線「鬼畫符」就叫六舊腹肌，畢加索都要寫個服字俾你。唔該，冇心做就唔好擺係度獻世啦！

事實上，阿守並唔係怪Ｄ鴨仔拎呢Ｄ低級假相出黎獻世，佢地都係所托非人。之不過，阿守都會還你清白，盡力幫你還原啦！某程度上，阿守寧願你 Key 另一個人的腹肌，總好過就咁畫上去......

小結：記住，腹肌唔係你既主菜！

其實，睇多Ｄ四仔，留意多Ｄ腹肌既表現，最重要係睇膚色一唔一致，陰影位自唔自然，光源同其他部份配唔配合，真定假唔係好難分。

之不過，阿守身邊有唔少朋友都話，佢地依家叫鴨仔已經唔會睇有冇腹肌，一來，佢地已經徹底放棄尋求真相，二來，腹肌對佢地黎講只係飯後甜品，下面條ＪＪ先至係主菜，係咪？